ശക്തമായ കാറ്റിലും മഴയിലും വീടിന്റെ മേൽക്കൂര തകർന്നു
ശക്തമായ കാറ്റിലും മഴയിലും വീടിന്റെ മേൽക്കൂര തകർന്നു
തരുവണ: കഴിഞ്ഞ ദിവസം ഉണ്ടായ ശക്തമായ കാറ്റിലും മഴയിലും വീടിന്റെ മേൽക്കൂര തകർന്ന് ഓടുകൾ പാറിപ്പോയതോടെ കുടുംബം വഴിയാധാരമായി. തരുവണ മേച്ചിലാട്ട് സുബ്രഹ്മണ്യൻ നമ്പൂതിരിയുടെ വീടാണ് തകർന്നത്. മേച്ചിലാട്ട് ശ്രീകൃഷ്ണക്ഷേത്രം പൂജാരികൂടിയാണിദ്ദേഹം. വീട് തകർന്നതോടെ, അയൽവാസിയുടെ വീട്ടിലാണ് അഞ്ചംഗ കുടുംബം കഴിയുന്നത്. ശോച്യാവസ്ഥയിലായിരുന്ന വീടിന് പകരം പുതിയത് നിർമിക്കാൻ തറ നിർമിച്ചിരുന്നു. ഇവർക്ക് ഭൂമിയുണ്ടെങ്കിലും രേഖകളിലെ പ്രശ്നങ്ങൾ കാരണം ബാങ്ക് വായ്പ ലഭിക്കാത്തതിന്റെ നിസ്സഹായാവസ്ഥയിലായിരുന്നു കുടുംബം. അതിനിടിയിലാണ് ഉള്ള വീടും തകർന്നത്. വില്ലേജ് ഓഫിസിൽ കാലവർഷക്കെടുതി ധനസഹായ അപേക്ഷ നൽകിയിട്ടുണ്ട്. ഉദാരമതികളായ വ്യക്തികളും സംഘടനകളും ഇടപെടുമെന്ന പ്രതീക്ഷയിലാണ് കുടുംബം.
Leave a Reply