വർധിച്ച കൂലി ചെലവും വന്യമൃഗശല്യവും ചേകാടിയിൽ ഗന്ധകശാല കൃഷി പ്രതിസന്ധിയിൽ

പു​ൽ​പ്പള്ളി: വർധിച്ച കൂലി ചെലവും വന്യമൃഗശല്യവും ചേകാടിയിൽ ഗന്ധകശാല കൃഷി പ്രതിസന്ധിയിൽ

കേരള-കർണാടക അതിർത്തിയിലെ കാ​ർ​ഷി​ക ഗ്രാ​മ​മാ​ണ് ചേ​കാ​ടി.കു​ടി​യേ​റ്റ മേ​ഖ​ല​യി​ലെ നെ​ല്ല​റ എ​ന്നും അ​റി​യ​പ്പെ​ട്ടി​രു​ന്ന ചേ​കാ​ടി ഗ്രാ​മ​ത്തി​ൽ ഗ​ന്ധ​ക​ശാ​ല കൃ​ഷി​യു​ടെ അ​ള​വ് ഓ​രോ വ​ർ​ഷം ക​ഴി​യു​ന്തോ​റും കു​റ​ഞ്ഞു​വ​രു​ന്നു. പു​ൽ​പ്പള്ളി പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ൽ ഉ​ൾ​പ്പെ​ട്ട ഗ്രാ​മ​മാ​ണ് ചേ​കാ​ടി.

വ​ന​ത്താ​ൽ ചു​റ്റപ്പെട്ടു​കി​ട​ക്കു​ന്ന ഗ്രാ​മ​ത്തി​ൽ കൂ​ടു​ത​ലാ​യും ആ​ദി​വാ​സി വി​ഭാ​ഗ​ങ്ങ​ളും ചെ​ട്ടി വി​ഭാ​ഗ​ക്കാ​രു​മാ​ണു​ള്ള​ത്. 250 ഏ​ക്ക​ർ വ​യ​ലാ​ണ് ഇ​വി​ടെ​യു​ള്ള​ത്. മു​മ്പെ​ല്ലാം ഇ​വി​ടെ പൂ​ർ​ണ​മാ​യും ഗ​ന്ധ​ക​ശാ​ല​യാ​ണ് കൃ​ഷി ചെ​യ്തി​രു​ന്ന​ത്. ഇ​പ്പോ​ൾ അ​തി​ന്റെ അ​ള​വ് 50 ഏ​ക്ക​റി​ൽ താ​ഴെ​യാ​യി ചു​രു​ങ്ങി​യി​രി​ക്കു​ക​യാ​ണ്.

പ​ര​മ്പ​രാ​ഗ​ത ശൈ​ലി​യി​ൽ ത​ന്നെ​യാ​ണ് ഇ​വ​രു​ടെ കൃ​ഷി. യ​ന്ത്ര​വ​ത്ക​ര​ണ​വും കാ​ര്യ​മാ​യി ക​ട​ന്നു​വ​ന്നി​ട്ടി​ല്ല. വ​ർ​ധി​ച്ചു​വ​രു​ന്ന വ​ന്യ​ജീ​വി ശ​ല്യ​വും കൂ​ലി​ച്ചെ​ല​വ് വ​ർ​ധി​ച്ച​തും ഗ​ന്ധ​ക​ശാ​ല​കൃ​ഷി​യി​ൽ നി​ന്ന് ക​ർ​ഷ​ക​രെ പി​ന്നോ​ട്ട​ടു​പ്പി​ച്ചു. വി​പ​ണി​യി​ൽ ഗ​ന്ധ​ക​ശാ​ല അ​രി​യു​ടെ വ്യാ​ജ​ന്മാ​ർ ധാ​രാ​ള​മു​ണ്ട്.

മാ​യ​മി​ല്ലാ​ത്ത ഗ​ന്ധ​ക​ശാ​ല ല​ഭി​ക്ക​ണ​മെ​ങ്കി​ൽ ചേ​കാ​ടി​യി​ൽ ത​ന്നെ വ​ര​ണം. കി​ലോ​ക്ക് 175 രൂ​പ വ​രെ​യാ​ണ് വി​ല. ഭൗ​മ​സൂ​ചി​ക പ​ട്ടി​ക​യി​ൽ ഇ​ടം​പി​ടി​ച്ച നെ​ല്ലി​ന​മാ​ണ് ഗ​ന്ധ​ക​ശാ​ല. കൃ​ഷി സം​ര​ക്ഷ​ണ​ത്തി​ന് പ​ദ്ധ​തി​ക​ൾ ഇ​ല്ലാ​ത്ത​താ​ണ് ക​ർ​ഷ​ക​രെ ഈ ​കൃ​ഷി​യി​ൽനി​ന്ന് പി​ന്തി​രി​പ്പി​ക്കാ​ൻ കാ​ര​ണ​മെ​ന്ന് ക​ർ​ഷ​ക​ർ പ​റ​യു​ന്നു.