യുവതിയുടെ മരണം: ദുരൂഹത ആരോപിച്ച് കുടുംബം പോലീസിൽ പരാതി നൽകി

By ന്യൂസ് വയനാട് ബ്യൂറോ

മാനന്തവാടി: മാനന്തവാടിയിൽ യുവതി തൂങ്ങിമരിച്ച സംഭവത്തിൽ ഭർതൃവീട്ടുകാർക്കെതിരെ ഗുരുതര ആരോപണങ്ങളുമായി കുടുംബം രംഗത്തെത്തി. പള്ളിക്കൽ വടക്കേ പുത്തൻപുരയിൽ ജാബിറിൻ്റെ ഭാര്യ അഫ്‌സിലയെ (27) ഇന്നലെ ഉച്ചയ്ക്കാണ് എടവക വീട്ടിച്ചാലിലെ വാടകവീട്ടിനുള്ളിൽ മരണപ്പെട്ട നിലയിൽ കണ്ടെത്തിയത്. മരണത്തിൽ ശക്തമായ ദുരൂഹതയുണ്ടെന്ന് ചൂണ്ടിക്കാട്ടി യുവതിയുടെ ബന്ധുക്കൾ മാനന്തവാടി പോലീസിനെ സമീപിച്ചു. അഫ്‌സിലയ്ക്ക് ഭർത്താവിൽ നിന്നും അദ്ദേഹത്തിൻ്റെ വീട്ടാരിൽ നിന്നും നിരന്തരം മാനസികവും ശാരീരികവുമായ പീഡനങ്ങൾ നേരിടേണ്ടി വന്നിട്ടുണ്ടെന്നും, ഈ വിഷയത്തിൽ മുൻപും പോലീസിൽ പരാതികൾ നൽകിയിട്ടുണ്ടെന്നും സഹോദരൻ സക്കീർ വ്യക്തമാക്കി. സംഭവത്തെക്കുറിച്ച് കൃത്യമായ അന്വേഷണം നടത്തി കുറ്റക്കാർക്കെതിരെ കർശന നിയമനടപടി സ്വീകരിക്കണമെന്നാണ് കുടുംബത്തിൻ്റെ ആവശ്യം.