ജാമ്യത്തിലിറങ്ങി മുങ്ങിയ പ്രതിയെ 11 വർഷങ്ങൾക്ക് ശേഷം കോട്ടയത്ത് നിന്ന് പിടികൂടി

By ന്യൂസ് വയനാട് ബ്യൂറോ

വെള്ളമുണ്ട: ജാമ്യത്തിലിറങ്ങി മുങ്ങിയ പ്രതി 11 വർഷങ്ങൾക്ക് ശേഷം പിടിയിൽ. കോടതി നടപടിക്രമങ്ങളിൽ സഹകരിക്കാതെ മുങ്ങി നടന്ന കണ്ണൂർ കരിക്കോട്ടക്കരി, പയ്യമ്പള്ളിൽ വീട്ടിൽ ജേക്കബ് എന്ന പി. ബെന്നി(55)യെയാണ് കോട്ടയത്തു വച്ച് തിങ്കളാഴ്ച വെള്ളമുണ്ട പോലീസ് പിടികൂടിയത്. 2013-ൽ വഞ്ചനാ കുറ്റത്തിനും, മദ്യലഹരിയിൽ അശ്രദ്ധമായി വാഹനമോടിച്ചതിനും രണ്ടു കേസുകളിൽ ജാമ്യമെടുത്ത ഇയാൾ കോടതി നടപടികൾക്ക് ഹാജരാക്കാതെ മുങ്ങി നടക്കുകയായിരുന്നു. ഇൻസ്‌പെക്ടർ എസ്.എച്ച്.ഓ രജീഷ് തെരുവത്ത് പീടികയിലിന്റെ നേതൃത്വത്തിൽ സീനിയർ സിവിൽ പോലീസ് ഓഫീസർമാരായ അനൂപ്, ഷമീർ എന്നിവരും പോലീസ് സംഘത്തിലുണ്ടായിരുന്നു.