ദുരന്തനിവാരണ പ്രവർത്തനങ്ങൾ ഏകോപിപ്പിക്കാൻ നിർദേശം നൽകി എം.പി പ്രിയങ്ക ഗാന്ധി
മേപ്പാടി: കള്ളാടി തുരങ്ക പാത നിർമാണ പ്രദേശത്തെ മണ്ണിടിച്ചില് മേഖലയിലെ ദുരന്ത നിവാരണ പ്രവർത്തനങ്ങൾ ഏകോപിപ്പിക്കാൻ എം.പി പ്രിയങ്കാ ഗാന്ധി നിർദേശം നൽകി. കളക്ടറേറ്റ് മിനി കോൺഫറൻസ് ഹാളിൽ മുഖ്യമന്ത്രി വി.ഡി സതീശന്റെ അധ്യക്ഷതയിൽ ചേർന്ന അവലോകന യോഗത്തിൽ ഓണ്ലൈനായി പങ്കെടുത്ത് സംസാരിക്കുകയായിരുന്നു എം.പി. ജില്ലയിലെ പരിസ്ഥിതി ദുർബല പ്രദേശങ്ങൾ, വെള്ളപ്പൊക്ക ഭീക്ഷണി നേരിടുന്ന പ്രദേശത്തെ ആളുകളെ കണ്ടെത്തി മാറ്റിപ്പാർപ്പിക്കണമെന്നും മഴ തുടര്ന്നാല് നിലവിൽ മണ്ണിടിച്ചിലുണ്ടായ സ്ഥലത്ത് ഉൾപ്പെടെ ജാഗ്രത പാലിക്കണമെന്നും എം.പി യോഗത്തില് നിർദേശിച്ചു. മേപ്പാടിയില് നടന്നത് ഒറ്റപ്പെട്ട അപകടമാണെന്നും ജില്ലയെ മുഴുവനായി ബാധിച്ചവെന്ന രീതിയില് അപകടത്തെ പ്രചരിപ്പിക്കരുതെന്നും എം.പി പറഞ്ഞു.
അപകട മേഖലയിലെ രക്ഷാപ്രവർത്തനം, തെരച്ചില് എന്നിവയുടെ പുരോഗതി യോഗത്തിൽ അവലോകനം ചെയ്തു. അപകടത്തിന്റെ കാരണങ്ങൾ കണ്ടെത്താൻ സമഗ്രമായ അന്വേഷണം നടത്തണമെന്ന് എം.പി യോഗത്തിൽ നിർദേശിച്ചു. അപകടമുണ്ടായ പ്രദേശത്ത് സുരക്ഷാ പരിശോധന നടത്തണം. കാണാതായവരുടെ ബന്ധുക്കൾക്ക് പിന്തുണ നൽകണമെന്നും എം.പി പറഞ്ഞു. രക്ഷാപ്രവർത്തനവും തെരച്ചിലും ഊർജിതമാക്കിയ ജില്ലാ ഭരണകൂടത്തെയും പൊലീസ്, എൻ.ഡി.ആർ.എഫ്, എസ്.ഡി.ആർ.എഫ്, അഗ്നിശമന സേന, സിവിൽ ഡിഫൻസ് വളണ്ടിയര്മാരെയും എം.പി അഭിനന്ദിച്ചു. ദുരന്തനിവാരണ നിർദേശങ്ങൾ പാലിക്കുന്നതിൽ വീഴ്ച വരുത്തുന്നവർക്കെതിരെ കർശന നടപടി സ്വീകരിക്കുമെന്ന് മുഖ്യമന്ത്രി വി.ഡി സതീശൻ പറഞ്ഞു. ജില്ലയിൽ 81 മേഖലകളാണ് പരിസ്ഥിതി ദുർബല പ്രദേശങ്ങളായി കണ്ടെത്തിയതെന്ന് ജില്ലാ കലക്ടർ യോഗത്തിൽ അറിയിച്ചു. ദുർബല പ്രദേശങ്ങളായി കണ്ടെത്തിയ മേഖലയിലെ തദ്ദേശ സ്ഥാപനങ്ങളെ ഉള്പ്പെടുത്തി അടിയന്തിര യോഗം ചേരാന് മുഖ്യമന്ത്രി ജില്ലാ കലക്ടര്ക്ക് നിര്ദ്ദേശം നല്കി.
കലക്ടറേറ്റ് മിനി കോണ്ഫറന്സ് ഹാളില് നടന്ന അവലോകന യോഗത്തില് മന്ത്രിമാരായ എ.പി അനിൽകുമാർ, ടി. സിദ്ദീഖ്, എം.എൽ.എ ഐ.സി ബാലകൃഷ്ണൻ, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ, ജില്ലാ കലക്ടർ ഡി.ആർ മേഘശ്രീ, കണ്ണൂർ റേഞ്ച് ഡി.ഐ.ജി കെ കാർത്തിക്, ജില്ലാ പൊലീസ് മേധാവി എസ്. ദേവമനോഹർ, സബ് കളക്ടർ അതുൽ സാഗർ, ജില്ലാതല ഉദ്യോഗസ്ഥർ, ജനപ്രതിനിധികള് എന്നിവര് യോഗത്തിൽ പങ്കെടുത്തു.
Leave a Reply