ലോക്സഭ തെരഞ്ഞെടുപ്പ്; രണ്ട് പേർ നാമനിര്ദ്ദേശപത്രിക സമര്പ്പിച്ചു
കൽപ്പറ്റ: ലോക്സഭ തെരഞ്ഞെടുപ്പിനായി വയനാട് മണ്ഡലത്തില് രണ്ടുപേര് നാമനിര്ദ്ദേശപത്രിക സമര്പ്പിച്ചു. കെ.പി സത്യന്- സി.പി.ഐ (എം.എല്), അജീബ്- സി.എം.പി(എം.അജീബ് ഫാക്ഷന്) എന്നീ സ്ഥാനാര്ത്ഥികളാണ് ജില്ലാ തെരഞ്ഞെടുപ്പ് ഓഫീസര് കൂടിയായ ജില്ലാ കളക്ടര് ഡോ.രേണുരാജ് മുമ്പാകെ നാമനിര്ദേശ പത്രിക സമര്പ്പിച്ചത്. സ്ഥാനാര്ത്ഥികള്ക്ക് ഏപ്രില് നാല് വൈകിട്ട് മൂന്ന് വരെ നാമനിര്ദ്ദേശ പത്രിക സമര്പ്പിക്കാം. രാവിലെ 11 മുതല് വൈകിട്ട് മൂന്നു വരെയാണ് പത്രിക സ്വീകരിക്കുന്ന സമയം. സൂക്ഷ്മ പരിശോധന ഏപ്രില് അഞ്ചിന് നടക്കും. നാമനിര്ദേശ പത്രിക പിന്വലിക്കാനുള്ള അവസാന തിയതി ഏപ്രില് എട്ടാണ്.
Leave a Reply