നിയമസഭ സമ്മേളനം നാളെ മുതൽ

തിരുവനന്തപുരം: പതിനഞ്ചാമത് കേരള നിയമസഭ പതിനൊന്നാം സമ്മേളനത്തിന് നാളെ തുടക്കം. സമ്മേളനം 28 ദിവസം ചേരാനാണ് നിലവിലെ തീരുമാനം. അടുത്ത മാസം 25 വരെ സമ്മേളനം തുടരാനാണ് തീരുമാനം. 2024-25 സാമ്പത്തിക വര്‍ഷത്തേക്കുള്ള ബജറ്റിലെ ധനാഭ്യര്‍ഥനകള്‍ ചര്‍ച്ച ചെയ്ത് പാസാക്കുന്നതിനാണ് സമ്മേളനം ചേരുന്നത്.

സമ്മേളനത്തില്‍ ജൂണ്‍ 11 മുതല്‍ ജൂലൈ 8 വരെ 13 ദിവസം ധനാഭ്യര്‍ഥനകള്‍ ചര്‍ച്ച ചെയ്യും. സമ്മേളനത്തിന്റെ ആദ്യ ദിനമായ ജൂണ്‍ 10 ന് രാവിലെ ചോദ്യോത്തരവേളക്ക് ശേഷം അല്പസമയം സഭാ നടപടികള്‍ നിര്‍ത്തിവച്ച്, 15ാം കേരള നിയമസഭയിലെ അംഗങ്ങളുടെ ഗ്രൂപ്പ് ഫോട്ടോ എടുക്കും. തുടർന്ന് സമ്മേളനം വീണ്ടും ആരംഭിക്കുന്നതാണ്.