Newswayanad.in

By ന്യൂസ് വയനാട് ബ്യൂറോ

കല്പറ്റ:സൗത്ത് വയനാട് ഡി എഫ് ഒ ഓഫീസിൽ കൺസർവേഷൻ ബയോളജിസ്റ്റ് തസ്തികയിലേക്ക് ജൂലൈ 18 ന് നടന്ന അഭിമുഖത്തിൽ തിരിമറി നടന്നത് അന്വേഷിക്കണമെന്ന് നാഷണലിസ്റ്റ് യൂത്ത് കോൺഗ്രസ്‌ (എസ് )വയനാട് ജില്ലാ കമ്മിറ്റി ആവശ്യപ്പെട്ടു. ഇന്റർവ്യൂ നടത്തുന്നവരുടെ ബന്ധുക്കൾ അഭിമുഖത്തിൽ പങ്കെടുക്കുന്നുവെങ്കിൽ ആ ഉദ്യോഗസ്ഥൻ മാറിനിൽക്കണമെന്ന നിയമം പാലിച്ചിട്ടില്ല എന്നാണ് മനസ്സിലാക്കുന്നത്. ഇതിൽ വ്യക്തമായ അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കണം. ഫോറെസ്റ്റിലെ ഉന്നതർക്ക് പരാതി കൊടുക്കാൻ യോഗം തീരുമാനിച്ചു.

ജില്ലാ പ്രസിഡന്റ്‌ ജോയ് പോൾ അദ്ധ്യക്ഷനായി, എൻ സി പി (എസ് ) സംസ്ഥാന സെക്രട്ടറി കെ ബി പ്രേമാനന്ദൻ, ജോഷി ജോസഫ്, അബു കോളിയാടി, നിതീഷ് പുൽപള്ളി, സിജി ആന്റണി, ബേസിൽ കെ പി, അഖിൽ കെ വി,പ്രവീൺ കെ കെ, അമൽ കെ ആർ,സുമേഷ് പുൽപ്പള്ളി,നിതീഷ് കേണിച്ചിറ തുടങ്ങിയവർ സംസാരിച്ചു.