പോലീസ് ഇടപെടല് കൂടുതല് കാര്യക്ഷമവും ക്രമബദ്ധവുമാക്കാന് ആന്റി റയറ്റ് ഡ്രില് പരിശീലനം സംഘടിപ്പിച്ചു
കല്പ്പറ്റ: സംഘര്ഷ സാധ്യതയുള്ള സ്ഥലങ്ങളില് പോലീസ് ഇടപെടല് കൂടുതല് കാര്യക്ഷമവും ക്രമബദ്ധവുമാക്കുന്നതിനായി ജില്ലയിലെ പോലീസ് ഉദ്യോഗസ്ഥര്ക്കായി ആന്റി റയറ്റ് ഡ്രില് പരിശീലനം സംഘടിപ്പിച്ചു. പൊതുസമാധാനവും നിയമവ്യവസ്ഥയും നിലനിർത്തുന്നതിനിടെ നേരിടേണ്ടി വരുന്ന അക്രമസാഹചര്യങ്ങൾ കൃത്യതയോടെ പ്രതിരോധിക്കാനുള്ള പരിശീലനമാണ് നൽകിയത്. വ്യാഴാഴ്ച രാവിലെ പുത്തൂര്വയല് എ.ആര് ക്യാമ്പില് വച്ചു നടന്ന പരേഡിന് മാനന്തവാടി ഡി.വൈ.എസ്.പി വി.കെ വിശ്വംഭരന് നേതൃത്വം നല്കി. ഡി.എച്ച്.ക്യു സബ് ഇന്സ്പെക്ടര് ജോസ് ജോര്ജ്, അസി സബ് ഇന്സ്പെക്ടര് റോയ് എന്നിവര് ക്ലാസുകള് നയിച്ചു. ജില്ലയിലെ വിവിധ സ്റ്റേഷനുകളില് നിന്നും യൂണിറ്റുകളില് നിന്നുമായി 40 ഓളം പോലീസ് ഉദ്യോഗസ്ഥര് പരേഡില് പങ്കെടുത്തു.
മിതമായ ബലപ്രയോഗത്തിലൂടെ അക്രമങ്ങളെയും ക്രമസമാധാന പ്രശ്നങ്ങളെയും നേരിടാന് പോലീസ് ഉദ്യോഗസ്ഥരെ പ്രാപ്തരാക്കുന്നതിന് വേണ്ടിയാണ് പരേഡ് സംഘടിപ്പിച്ചത്. ജനക്കൂട്ട നിയന്ത്രണം, അപ്രതീക്ഷിത സംഘര്ഷ സാഹചര്യങ്ങളില് സ്വീകരിക്കേണ്ട നടപടികള്, നിയമപരമായ ഇടപെടല് രീതികള് തുടങ്ങിയ വിഷയങ്ങളിലായിരുന്നു പരിശീലനം. അക്രമ സാഹചര്യം നേരിടുന്നതിനും പൊതുസമാധാനം നിലനിര്ത്തുന്നതിനുമുള്ള പ്രായോഗിക പരിശീലനങ്ങള് നല്കി. അക്രമസാഹചര്യങ്ങളില് ഇടപെടുമ്പോള് പോലീസ് ഉദ്യോഗസ്ഥര് സ്വന്തം സുരക്ഷയ്ക്കും മുന്ഗണന നല്കേണ്ടതിന്റെ പ്രാധാന്യവും പരിശീലനത്തില് ഊന്നിപ്പറഞ്ഞു. ഹെല്മറ്റ്, ഷീല്ഡ് ഉള്പ്പെടെയുള്ള സുരക്ഷാ ഉപകരണങ്ങള് നിര്ബന്ധമായും ധരിച്ച് മാത്രമേ ഇടപെടല് നടത്താവൂവെന്ന കാര്യം പരിശീലനത്തിലൂടെ ഓര്മിപ്പിച്ചു.
അക്രമസാഹചര്യങ്ങളിലും ജനക്കൂട്ട നിയന്ത്രണത്തിനിടയിലും പോലീസ് ഉദ്യോഗസ്ഥരുടെ സുരക്ഷ ഉറപ്പാക്കുന്നതിൽ ഷീൽഡിനും ഹെൽമറ്റിനും നിർണായക പങ്കുണ്ട്. കല്ലേറുകളിൽ നിന്നും അപ്രതീക്ഷിത ആക്രമണങ്ങളിൽ നിന്നും ശരീരത്തിലെ പ്രധാന ഭാഗങ്ങളെ സംരക്ഷിക്കാൻ ഈ സുരക്ഷാ ഉപകരണങ്ങൾ കൊണ്ട് കഴിയുന്നു. ജനക്കൂട്ടത്തിന്റെ സമ്മർദ്ദം നിയന്ത്രിക്കാനും പോലീസ് സേനാംഗങ്ങളുടെ ഏകോപനം നിലനിർത്താനും ഷീൽഡുകൾ സഹായകരമാണ്. സംഘർഷസാഹചര്യങ്ങളിൽ മിതമായ ബലപ്രയോഗത്തിനും അനാവശ്യ പരിക്കുകൾ ഒഴിവാക്കുന്നതിനും ഷീൽഡ് ഉപയോഗിക്കണം. സുരക്ഷാ ഉപകരണങ്ങൾ ധരിക്കാതെ ഇടപെടൽ നടത്തുന്നത് ഉദ്യോഗസ്ഥർക്കു ഗുരുതര പരിക്കുകൾക്കും സേവനതടസ്സങ്ങൾക്കും കാരണമാകാം. ഉദ്യോഗസ്ഥരുടെ ജീവനും ആരോഗ്യവും സംരക്ഷിക്കപ്പെടുമ്പോൾ മാത്രമേ അക്രമസാഹചര്യങ്ങളെ കാര്യക്ഷമമായി നിയന്ത്രിക്കാനും പൊതുസമാധാനം നിലനിർത്താനും കഴിയൂ എന്ന സന്ദേശവും പരിശീലനത്തിലൂടെ പോലീസ് ഉദ്യോഗസ്ഥർക്ക് നൽകി.
Leave a Reply