ജില്ലയിലെ പ്രധാന അറിയിപ്പുകൾ
കിക്മ എം.ബി.എ അപേക്ഷ നീട്ടി
നെയ്യാര്ഡാമില് പ്രവര്ത്തിക്കുന്ന കേരള ഇന്സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില് (കിക്മ) എം.ബി.എ ബാച്ചിലേയ്ക്ക് ഒക്ടോബര് 15 വരെ അപേക്ഷിക്കാം. ഫിനാന്സ്, മാര്ക്കറ്റിംഗ്, ഹ്യൂമന് റിസോഴ്സ്, ലോജിസ്റ്റിക്സ് ബിസിനസ് അനലിറ്റിക്സ് എന്നിവയില് സ്പെഷ്യലൈസേഷന് അവസരമുണ്ട്. 50 ശതമാനം മാര്ക്കില് കുറയാതെയുളള ബിരുദമാണ് അടിസ്ഥാന യോഗ്യത. അപേക്ഷ www.kicma.ac.in ല് സമര്പ്പിക്കാം. ഫോണ് 8547618290, 9188001600
അസിസ്റ്റന്റ് പ്രൊഫസര് നിയമനം
തലപ്പുഴയിലെ ഗവ എഞ്ചിനീയറിംഗ് കോളേജില് ഇലക്ട്രോണിക് ആന്ഡ് കമ്മ്യൂണിക്കേഷന് എഞ്ചിനീയറിംഗ് വിഷയത്തില് അസിസ്റ്റന്റ് പ്രൊഫസര് തസ്തികയില് താത്ക്കാലിക നിയമനം. ബന്ധപ്പെട്ട വിഷയത്തില് എം.ടെക് ബിരുദവും പി.എസ്.സി അനുശാസിക്കുന്ന പ്രായപരിധിയുമുള്ള ഉദ്യോഗാര്ത്ഥികള് സര്ട്ടിഫിക്കറ്റുകളുടെ അസലുമായി സെപ്റ്റംബര് 30 ന് രാവിലെ 9.30 ന് ഗവ കോളേജില് അഭിമുഖത്തിന് എത്തണം. ഫോണ്-04935 257321
കെല്ട്രോണില് അഡ്മിഷന്
കോഴിക്കോട് കെല്ട്രോണ് നോളജ് സെന്ററില് പ്രൊഫഷണല് ഡിപ്ലോമ ഇന് ജനറേറ്റീവ് എ.ഐ -എന്ഹാന്സിഡ് ന്യൂ മീഡിയ ആന്ഡ് വെബ് സൊല്യൂഷന്സ് തൊഴിലധിഷ്ഠിത കോഴ്സിലേക്ക് പ്രവേശനം ആരംഭിച്ചു. ഓരോ ബാച്ചിലും 20 പേര്ക്കാണ് അഡ്മിഷന് ലഭിക്കുക. ഫോണ് 8590368988, 9995668444, 9188665545.
കുടിശ്ശിക നിവാരണം
ചരക്ക് സേവന നികുതി വകുപ്പില് ചരക്ക് സേവന നികുതി നിയമം നിലവില് വരുന്നതിന് മുമ്പുളള കുടിശ്ശിക തീര്പ്പാക്കുന്നതിന് ആഗസ്റ്റ് ഒന്ന് മുതല് ആംനസ്റ്റി സ്കീം നിലവിലുണ്ട്. ഈ പദ്ധതി പ്രകാരം കുടിശ്ശിക തീര്പ്പാക്കാം. ഫോണ് 9447545433, 9986013586
സീറ്റ് ഒഴിവ്
കല്പ്പറ്റ എന്.എം.എസ്.എം ഗവ കോളേജില് 2024-25 അക്കാദമിക വര്ഷത്തില് എം.എ ഇക്കണോമിക്സ്, എം.എ ഹിസ്റ്ററി, എം.കോം കോഴ്സുകള്ക്ക് എസ്.ടി വിഭാഗത്തിനും എം.എ ജേര്ണലിസം ആന്റ്റ് മാസ്സ് കമ്മ്യൂണിക്കേഷന് എസ്.സി, ഒ.ബി.എച്ച് വിഭാഗങ്ങള്ക്കും എം.എ ഇക്കണോമിക്സ് ഒ.ബി.എച്ച് വിഭാഗത്തിനും സീറ്റുകള് ഒഴിവുണ്ട്. കാലികറ്റ് യൂണിവേഴ്സിറ്റി പി.ജി പ്രോഗ്രാമുകള്ക്ക് രജിസ്റ്റര് ചെയ്ത വിദ്യാര്ത്ഥികള് അസ്സല് സര്ട്ടിഫിക്കറ്റുകള് സഹിതം ഇന്ന് (സെപ്തംബര് 27) ന് രാവിലെ 11 ന് കോളേജ് ഓഫീസില് ഹാജരാവണം.
Leave a Reply