ഹരിതകർമ്മസേന ഉറ്റ ചങ്ങാതിമാർ: സേനാംഗങ്ങളെ ആദരിച്ചു.
കാവുംമന്ദം: മാലിന്യ മുക്ത നവകേരളം ക്യാമ്പയിനുമായി ബന്ധപ്പെട്ട് വിദ്യാർത്ഥികളിൽ അവബോധം സൃഷ്ടിക്കുന്നതിന്റെ ഭാഗമായി ശുചിത്വ മിഷന്റെ സഹകരണത്തോടെ തരിയോട് ഗവ ഹയർ സെക്കണ്ടറി സ്കൂളിൽ ‘ഹരിതകർമ്മസേന ഉറ്റ ചങ്ങാതിമാർ’ എന്ന പരിപാടി സംഘടിപ്പിച്ചു. പരിപാടിയുടെ ഉദ്ഘാടനവും ഹരിത കർമ്മസേന അംഗങ്ങളെ ആദരിക്കൽ ചടങ്ങും തരിയോട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ ഷമീം പാറക്കണ്ടി നിർവഹിച്ചു. വാർഡ് അംഗം വിജയന് തോട്ടുങ്കൽ അധ്യക്ഷനായി. വൈസ് പ്രിൻസിപ്പൽ ഉഷ കുനിയിൽ, അബൂബക്കർ സിദ്ദീഖ്, കെ വി രാജേന്ദ്രൻ, ഹരിത കർമ്മ സേന അംഗങ്ങളായ ബീന ജോഷി, ഷീജ പ്ലാച്ചേരി തുടങ്ങിയവർ സംസാരിച്ചു. സ്കൂൾ പ്രിൻസിപ്പൽ എ എം ബെന്നി സ്വാഗതവും സീനിയർ അസിസ്റ്റൻറ് മറിയം മഹമൂദ് നന്ദിയും പറഞ്ഞു.
Leave a Reply