പുൽപ്പള്ളിയിൽ കാട്ടാനയുടെ ആക്രമണം: മധ്യവയസ്ക്കന് പരിക്ക്

പുൽപ്പള്ളി: കാട്ടാനയുടെയാക്രമണത്തിൽ മധ്യവയസ്ക്കന് പരിക്കേറ്റു. ചേകാടി കുണ്ടുവാടി കോളനിയിലെ കാളൻ (58) നാണ് പരിക്കേറ്റത്. സാരമായി പരിക്കേറ്റ കാളനെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ശനിയാഴ്ച വൈകിട്ട് പോത്തുകളെ മേയ്ക്കുന്നതിനിടെയാണ് കാട്ടാനയുടെ ആക്രമണമുണ്ടായത്. കുഴിയിൽ വീണ കാളന് നട്ടെല്ലിനും വാരിയെല്ലിനും പരിക്കേറ്റു.