Newswayanad.in

By ന്യൂസ് വയനാട് ബ്യൂറോ

ബത്തേരി: സുൽത്താൻ ബത്തേരി സർവജന സ്‌കൂളിന്റെ 75-ാം വാർഷികാഘോഷത്തിന്റെ തിളക്കമാർന്ന തുടക്കത്തിന് വേദിയൊരുക്കുന്നതിനുള്ള ശ്രമങ്ങൾക്ക് വേഗം കൂടി. ഒക്‌ടോബറിൽ നടക്കാനിരിക്കുന്ന ഈ ചരിത്ര നിമിഷത്തെ ആഘോഷിക്കുന്നതിനായി വിപുലമായ സ്വാഗത സംഘം രൂപീകരിക്കാനുള്ള തീരുമാനമാണ് സ്‌കൂൾ അധികൃതരും പ്രമുഖ വ്യക്തികളും ചേർന്ന് എടുത്തിരിക്കുന്നത്.

ചെയർമാൻ ടി.കെ. രമേശ്, ബ്ലോക്ക് പഞ്ചായത്ത് പ്രസിഡന്റ് അസൈനാർ സി., പി.ടി.എ പ്രസിഡന്റ് ടി.കെ. ശ്രീജൻ എന്നിവരുടെ നേതൃത്വത്തിൽ ചേർന്ന യോഗത്തിലാണ് ഈ തീരുമാനം ഉണ്ടായത്. യോഗത്തിൽ ജനപ്രതിനിധികൾ, രാഷ്ട്രീയ, യുവജന സംഘടനാ നേതാക്കൾ, പൂർവ്വ വിദ്യാർത്ഥി പ്രതിനിധികൾ, വ്യാപാരി സുഹൃത്തുക്കൾ, മുൻ പി.ടി.എ പ്രസിഡന്റുമാർ, സാംസ്കാരിക നായകൻമാർ ,പൂർവ്വ അധ്യാപകർ, ട്രേഡ് യൂണിയൻ, ക്ലബ് ഭാരവാഹികൾ തുടങ്ങിയവർ പങ്കെടുത്തു.

പഴയ സ്മരണകളെ പുതുക്കിക്കൊണ്ട്, മധുരിക്കുന്ന ഓർമ്മകളിലൂടെ മൂന്ന് യെസ്റ്റർഡേ, ടുഡേ, ടുമാറോ എന്നീ പൂച്ചെടികൾ നട്ടുപിടിപ്പിച്ചുകൊണ്ട് സ്വാഗത സംഘത്തിന് ഒരു രൂപരേഖ തയ്യാറാക്കാനുള്ള ഉത്തരവാദിത്വം ഏറ്റെടുത്താണ് എല്ലാവരും പിരിഞ്ഞു പോയത്.