മാനന്തവാടിയിൽ വന്യമൃഗശല്യത്തിനെതിരെ പ്രതിഷേധം
മാനന്തവാടി: വയനാട്ടിലെ വൻകൃഷി തോട്ടങ്ങളിൽ വന്യമൃഗശല്യം രൂക്ഷമായതിനെതിരെ നോർത്ത് വയനാട് എസ്റ്റേറ്റ് ലേബർ യൂണിയൻ (സിഐടിയു) സംഘടിപ്പിച്ച പ്രതിഷേധ മാർച്ച് വൻ വിജയമായി.
ഇന്ന് രാവിലെ എരുമത്തെരുവ് സിഐടിയു ഓഫീസ് പരിസരത്ത് നിന്നും ആരംഭിച്ച മാർച്ച് ജോസ് ടാക്കീസ് കവല വഴി നഗരം ചുറ്റി ഡിഎഫ്ഒ ഓഫീസിലെത്തി. സ്ത്രീകൾ ഉൾപ്പെടെ നിരവധി തോട്ട തൊഴിലാളികൾ പ്രതിഷേധത്തിൽ പങ്കെടുത്തു.
യൂണിയൻ ജനറൽ സെക്രട്ടറി പി വി സഹദേവൻ മാർച്ച് ഉദ്ഘാടനം ചെയ്തു. പി പി മൊയ്തീൻ അധ്യക്ഷനായിരുന്നു. പി ടി ബിജു, ടി കെ പുഷ്പൻ, എൻ എം ആന്റണി, കെ സൈനബ, മജീദ് തേറ്റമല, എ ഉണ്ണികൃഷ്ണൻ, കെ വി ജുബൈർ, കെ ടി വിനു, എൻ ജെ ഷജിത്ത്, കെ ടി ഗോപീനാഥൻ, ടി കെ സുരേഷ് എന്നിവർ പ്രസംഗിച്ചു.
വന്യമൃഗങ്ങളുടെ ആക്രമണത്തിൽ നിരവധി തോട്ട തൊഴിലാളികൾക്ക് ജീവനും സ്വത്തും നഷ്ടപ്പെട്ടിട്ടുണ്ട്. തോട്ടങ്ങളിൽ കൃഷി ചെയ്യാൻ പോലും ഭയമാണ്. ഈ പ്രശ്നത്തിന് സ്ഥിരമായ പരിഹാരം കാണണമെന്നാവശ്യപ്പെട്ട് തോട്ട തൊഴിലാളികൾ ഡിഎഫ്ഒയോട് ആവശ്യപ്പെട്ടു.
ഡിഎഫ്ഒ ഓഫീസ് കവാടത്തിൽ എത്തിയ മാർച്ച് പൊലീസ് തടഞ്ഞു.
Leave a Reply