സംസ്ഥാനത്ത് ബക്രീദ് അവധി ശനിയാഴ്ച മാത്രം; നാളത്തെ അവധി മാറ്റി
തിരുവനന്തപുരം: സംസ്ഥാനത്ത് ബക്രീദ് അവധി ശനിയാഴ്ച. നാളത്തെ ബലി പെരുന്നാള് അവധി ശനിയാഴ്ചയിലേക്ക് മാറ്റി സര്ക്കാര് ഉത്തരവിറക്കി. മന്ത്രിസഭായോഗത്തിന്റേതാണ് തീരുമാനം. നാളെയും മറ്റന്നാളും അവധി വേണമെന്ന ആവശ്യം ഉയര്ന്നിരുന്നു.
മാസപ്പിറവി വൈകിയതിനെ തുടര്ന്ന് ബക്രീദ് ജൂണ് 7ന് ആയിരിക്കുമെന്ന് മതപണ്ഡിതര് അറിയിച്ച സാഹചര്യത്തിലാണ് അവധി മാറ്റിയത്. മാസപ്പിറവി കണ്ടതിന്റെ അടിസ്ഥാനത്തില് ശനിയാഴ്ചയാണ് ബക്രീദ് എന്ന് വിവിധ മതസംഘടനകള് അറിയിച്ചിട്ടുണ്ട്.
അറഫ നോമ്പ് ജൂണ് ആറിനായിരിക്കുമെന്നും ബലി പെരുന്നാള് ജൂണ് ഏഴിനായിരിക്കുമെന്നും സമസ്ത പ്രസിഡന്റ് ജിഫ്രി മുത്തുകോയ തങ്ങളും പാണക്കാട് സാദിഖ് അലി ശിഹാബ് തങ്ങളും പ്രൊഫസര് ആലിക്കുട്ടി മുസ്ലിയാറും ഉള്പ്പെടെയുള്ളവര് അറിയിച്ചിരുന്നു. നേരത്തെ ജൂണ് ആറിന് ആയിരുന്നു അവധി പ്രഖ്യാപിച്ചിരുന്നത്.
Leave a Reply