നിയന്ത്രണം വിട്ട ലോറി മരത്തിലിടിച്ച് മറിഞ്ഞു:ലോറിയിൽ കുടുങ്ങിയ ഡ്രൈവറെ അഗ്‌നി രക്ഷാ സേന രക്ഷിച്ചു

By ന്യൂസ് വയനാട് ബ്യൂറോ

മൂലങ്കാവ് : മൂലങ്കാവിൽ നിയന്ത്രണം വിട്ട ലോറി മരത്തിലിടിച്ച് മറിഞ്ഞു.

ലോറിയിൽ കുടുങ്ങിയ ഡ്രൈവറെ ബത്തേരി അഗ്‌നി രക്ഷാ സേന രക്ഷിച്ചു. കണ്ണൂരിൽ നിന്നും നെല്ലൂരിലേക്ക് പ്ലൈവുഡുമായി പോകുകയായിരുന്ന ലോറിയാണ് അപകടത്തിൽ പെട്ടത്.

ഡ്രൈവർ ഉറങ്ങിപ്പോയതിനെ തുടർന്ന് റോഡരികിലെ മരത്തിൽ ഇടിച്ച് മറിയുകയും ഡ്രൈവർ ലോറിക്കുള്ളിൽ കുടുങ്ങിപ്പോവുകയുമിയിരുന്നു. ഇന്ന് പുലർച്ചെയായിരുന്നു സംഭവം. വിവരം ലഭിച്ചതിനെ തുടർന്ന് സുൽത്താൻ ബത്തേരി അഗ്ന‌ിരക്ഷാ നിലയത്തിലെ സ്റ്റേഷൻ ഓഫീസർ ശരത്ത് പി.കെ യുടെ നേതൃത്വത്തിൽ ഉള്ള സേനാഗംങ്ങൾ സംഭവസ്ഥലത്ത് എത്തുകയും സ്റ്റിയറിംഗ്, സീറ്റ് എന്നിവ കട്ടർ ഉപയോഗിച്ച് മുറിച്ച് മാറ്റി ഡ്രൈവറെ പുറത്ത് എടുത്ത് ബത്തേരി താലൂക്ക് ആശുപത്രിയിൽ എത്തിക്കുകയും ചെയ്തു.സീനിയർ ഫയർ ആൻഡ് റെസ്‌ക്യൂ ഓഫീസർമാരായ വിനു ടി .കെ,സന്തോഷ് കുമാർ കെ.വി ഫയർ ആൻഡ് റെസ്‌ക്യൂ lഓഫീസർ മാരായ ഗോപിനാഥൻ ടി.പി,മിഥുൻ പി.ആർ, നിധിൻ വി.എം, സുധീഷ് .കെ .പി.രഘു, അമൽ ജോൺ,അക്ഷയ് വി.കെ ഫയർ ആൻഡ് റെസ്‌ ഓഫീസർ ഡ്രൈവർ മാരായ രാജേഷ് എൻ.ടി, ബിനോയ് പി.വി ഫയർ ആൻഡ് റെസ്ക്യൂ ഓഫീസർ ട്രൈനിംഗിലുള്ള അഷൽ, അക്ഷയ് പി.പി, ജിജു കെ .വി ഹോം ഗാർഡ്മാരായ ഫിലിപ്പ് എബ്രഹാം,ബാലൻ പി.കെ, സുബീഷ് കുമാർ എന്നിവർ രക്ഷാപ്രവർത്തനത്തിൽ പങ്കെടുത്തു.