മുട്ടിലിൽ  ഏറ്റ് മുട്ടുന്നത് വനിത നേതാക്കൾ 

By ന്യൂസ് വയനാട് ബ്യൂറോ

കൽപറ്റ: ജില്ലാ പഞ്ചായത്ത് മുട്ടിൽ ഡിവിഷനിൽ ഇത്തവണ വനിതകളുടെ പോരാട്ടം.

3973 വോട്ടിൻ്റെ ജില്ലയിലെ ഏറ്റവും ഭൂരിപക്ഷവുമായി ജില്ലാ പഞ്ചായത്ത് പ്രസിഡന്റ് സംഷാദ് മരക്കാർ കഴിഞ്ഞ തവണ വിജയിച്ച മുട്ടിൽ ഡിവിഷനിൽ ഇത്തവണ ഏറ്റുമുട്ടുന്നത് വനിതകൾ തമ്മിൽ. ലീഗ് കൽപറ്റ മണ്ഡലം സെക്രട്ടറി നസീമ ടീച്ചറെ യു.ഡി.എഫ് രംഗത്തിറക്കിയപ്പോൾ മുൻ ലോക്കൽ കമ്മിറ്റി അംഗം സി.പി.എം ലെ കെ. ഹസീനയാണ് എൽ.ഡി.എഫ് പാനലിൽ മത്സരിക്കുന്നത്. ബി.ജെ.പി യുടെ ഹേമലത വിശ്വനാഥനും രംഗത്തുണ്ട്. മുട്ടിൽ പഞ്ചായത്തിലെ 22 വാർഡുകളും കോട്ടത്തറ പഞ്ചായത്തിലെ മൂന്നു വാർഡുകളും ഉൾപെട്ട് മുട്ടിൽ ഡിവിഷനിൽ യു.ഡി.എഫിന് തന്നെയാണ് ആധ്യപത്യമെങ്കിലും ഇത്തവണ അത് തകർക്കുമെന്നാണ് എൽ.ഡി.എഫ് പറയുന്നത്. ഗ്രാമ പഞ്ചായത്ത് ഭരണവും യു.ഡി.എഫിനാണ് . ദേശീയ പാതയോട് ചേർന്നുള്ള ഡിവിഷനിൽ റോഡ് വികസനം തന്നെയാണ് മുഖ്യ ചർച്ചാ വിഷയം. യു.ഡി.എഫ് വിജയം ഉറപ്പിക്കുമ്പോൾ വോട്ടർമാർ ഇത്തവണ മാറി ചിന്തിക്കുമെന്നാണ് എൽ.ഡി.എഫ് പ്രവർത്തകർ പറയുന്നത്.