ഭീതിയിലാഴ്ത്തിയ കടുവ കാടുകയറി ; നാട്ടുകാർക്ക് ആശ്വാസം .

By ന്യൂസ് വയനാട് ബ്യൂറോ

കല്പറ്റ :പടിക്കംവയൽ ,ചീക്കല്ലൂർമേഖലയെ കഴിഞ്ഞ രണ്ട് ദിവസമായി ഭീതിയിലാഴ്ത്തിയ കടുവ ഒടുവിൽ കാട് കയറി. ഏകദേശം അഞ്ച് വയസ്സ് പ്രായം തോന്നിക്കുന്ന ഡബ്ല്യൂ 112 എന്ന ആൺകടുവയാണ് ഇന്ന് ഉച്ചയോടെ കാട്ടിലെത്തിയതായി വനം വകുപ്പ് സ്ഥിരീകരിച്ചത് .

തിങ്കളാഴ്ചരാവിലെ ഒൻപത് മണിയോടെ പടിക്കംവയൽ ഭാഗത്താണ് കടുവയെ ആദ്യമായി കണ്ടത്. ഡ്രോൺ പരിശോധനയിൽ കടുവയുടെ ദൃശ്യങ്ങൾ ലഭിച്ചതോടെ വനംവകുപ്പിന്റെ ആർ.ആർ.ടി സംഘം സ്ഥലത്തെത്തി ക്യാമ്പ് ചെയ്തിരുന്നു. തുടർന്ന് വനംവകുപ്പ് തിരച്ചിൽ ഊർജിതമാക്കുകയും ഉച്ചയോടെ ചീക്കല്ലൂർ ഭാഗത്ത് കടുവയുടെ സാന്നിധ്യം സ്ഥിരീകരിക്കുകയും ചെയ്തു.