തൃശ്ശിലേരി ബഡ്‌സ് സ്കൂളിനെ അവഗണിക്കുന്നതിനെതിരെയും ആശ്രമം സ്കൂൾ മാറ്റുന്നതിനെതിരെയും കോൺഗ്രസ് മാർച്ച്; തിരുനെല്ലിയിൽ സംഘർഷം

By ന്യൂസ് വയനാട് ബ്യൂറോ

തിരുനെല്ലി: തൃശ്ശിലേരി ബഡ്‌സ് സ്കൂളിനോട് പഞ്ചായത്ത് അവഗണന കാണിക്കുന്നുവെന്നും, ആശ്രമം സ്കൂൾ തിരുനെല്ലിയിൽ നിന്ന് മാറ്റാനുള്ള നീക്കത്തിനെതിരെയും കോൺഗ്രസ് നടത്തിയ തിരുനെല്ലി പഞ്ചായത്ത് മാർച്ചിൽ പ്രവർത്തകരും പോലീസും തമ്മിൽ ഉന്തും തള്ളുമുണ്ടായി. മാർച്ച് കെ.പി.സി.സി. പ്രസിഡന്റ് എം.ഡി. അപ്പച്ചൻ ഉദ്ഘാടനം ചെയ്തു.

തൃശ്ശിലേരി മണ്ഡലം പ്രസിഡന്റ് സതീശൻ പുളിമുട് അധ്യക്ഷത വഹിച്ച യോഗത്തിൽ റഷീദ് തൃശ്ശിലേരി സ്വാഗതം ആശംസിച്ചു. മാനന്തവാടി ബ്ലോക്ക് കോൺഗ്രസ് കമ്മിറ്റി പ്രസിഡന്റ് എ.എം. നിശാന്ത്, ഡി.സി.സി. ജനറൽ സെക്രട്ടറി കമ്മന മോഹനൻ, തിരുനെല്ലി മണ്ഡലം പ്രസിഡന്റ് ഒ.പി. ഹസൻ, തിരുനെല്ലി മണ്ഡലം സെക്രട്ടറി ഷാജി ഫിലിപ്പ്, കർഷക കോൺഗ്രസ് ജില്ലാ ജനറൽ സെക്രട്ടറി റീന ജോർജ്, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റ് ബാല നാരായണൻ ചെറുകുമ്പം, മാനന്തവാടി ബ്ലോക്ക് കോൺഗ്രസ് കമ്മിറ്റി സെക്രട്ടറി കെ.വി. ഷിനോജ്, യൂത്ത് കോൺഗ്രസ് മാനന്തവാടി മണ്ഡലം ജനറൽ സെക്രട്ടറി ഷംസീർ അരണപ്പാറ, വി.വി. നാരായണ വാര്യർ, കെ.ജി. രാമകൃഷ്ണൻ, ശശി തോൽപെട്ടി, പി.പി. തോമസ്, ഹാരീസ് ബാവലി, ദിനേശൻ കോട്ടീയൂർ എന്നിവർ പ്രസംഗിച്ചു.

പ്രതിഷേധ മാർച്ച് അക്രമാസക്തമായതോടെയാണ് പ്രവർത്തകരും പോലീസും തമ്മിൽ സംഘർഷമുണ്ടായത്. ബഡ്‌സ് സ്കൂളിന് മതിയായ പരിഗണന ലഭിക്കുന്നില്ലെന്നും, വിദ്യാർത്ഥികളുടെ ഭാവിയെ ദോഷകരമായി ബാധിക്കുന്ന തീരുമാനമാണ് ആശ്രമം സ്കൂളിന്റെ മാറ്റമെന്നും കോൺഗ്രസ് ആരോപിച്ചു. വിഷയത്തിൽ പഞ്ചായത്ത് അടിയന്തിരമായി ഇടപെടണമെന്നും ആവശ്യപ്പെട്ടു.