എം.എസ്.എം.ഇ എക്സ്പോർട്ട് വർക്ക്ഷോപ്പ് നവംബർ 4ന്

By ന്യൂസ് വയനാട് ബ്യൂറോ

കേന്ദ്ര സൂക്ഷ്മ, ചെറുകിട, ഇടത്തരം വ്യവസായ മന്ത്രാലയത്തിന്റെയും കേരള വ്യവസായ-വാണിജ്യ വകുപ്പിന്റെയും ആഭിമുഖ്യത്തിൽ നടപ്പിലാക്കുന്ന ലോക ബാങ്ക് പദ്ധതിയായ റൈസിംഗ് ആൻഡ് ആക്സലറേറ്റിംഗ് എം.എസ്.എം.ഇ പെർഫോർമൻസിൻ്റെ (റാമ്പ്) ഭാഗമായി വൈത്തിരി താലൂക്ക് വ്യവസായ ഓഫീസിന്റെ ആഭിമുഖ്യത്തിൽ എം.എസ്.എം.ഇ എക്സ്പോർട്ട് വർക്ക്ഷോപ്പ് നവംബർ 4 രാവിലെ 10ന് മാനന്തവാടി ഹോട്ടൽ ബ്രഹ്മഗിരിയിൽ നടക്കും. നാട്ടിൻ്റെ സ്വന്തം ഉൽപ്പന്നങ്ങൾ അന്താരാഷ്ട്ര വിപണിയിൽ എത്തിച്ച് കയറ്റുമതി വർദ്ധിപ്പിക്കാനും സാമ്പത്തിക പുരോഗതി കൈവരിക്കാനും സംരംഭകരെ പ്രാപ്തമാക്കുകയാണ് പരിപാടിയുടെ ലക്ഷ്യം. കയറ്റുമതിയുമായി ബന്ധപ്പെട്ട വിദഗ്ദർ ക്ലാസുകൾ കൈകാര്യം ചെയ്യും. നിലവിൽ പ്രവർത്തിക്കുന്നതും ഉദ്യം രജിസ്‌ട്രേഷൻ ഉള്ളതുമായ യൂണിറ്റുകൾക്ക് വർക്ക്ഷോപ്പിൽ പങ്കെടുക്കാം.

മാനന്തവാടി ഗവ മെഡിക്കൽ കോളേജ് ആശുപത്രിയിൽ പ്രവർത്തിച്ചു വരുന്ന എയറോക്‌സ് ഓക്‌സിജൻ ജനറേറ്റർ പ്ലാന്റിന്റെ കംപ്രസീവ് മെയ്ന്റനൻസ് പ്രവർത്തി ചെയ്യാൻ താത്പര്യമുള്ള വ്യക്തികൾ/ അംഗീകൃത സ്ഥാപനങ്ങളിൽ നിന്നും ടെൻഡർ ക്ഷണിച്ചു. ടെൻഡറുകൾ നവംബർ 15 ഉച്ചക്ക് 12 വരെ സ്വീകരിക്കും. ഫോൺ: 04935 240264

ജില്ലാ  മാനന്തവാടി മെഡിക്കൽ കോളേജ് ആശുപത്രി ഓഫീസിലേക്ക് യുപിഎസ് വിതരണം ചെയ്യാൻ താത്പര്യമുള്ള വ്യക്തികൾ/ സ്ഥാപനങ്ങളിൽ നിന്ന് ക്വട്ടേഷൻ ക്ഷണിച്ചു. ക്വട്ടേഷനുകൾ നവംബർ 15 ഉച്ചക്ക് 12നകം  മാനന്തവാടി ജില്ലാ ആശുപത്രി സൂപ്രണ്ടിന് ലഭ്യമാക്കണം. ഫോൺ: 04935 240264