എ.എ.ഡബ്ല്യു.കെ നടത്തിയ നറുക്കെടുപ്പ് വിജയിക്കുള്ള സമ്മാനം നാളെ കൈമാറും 

കൽപ്പറ്റ : അസോസിയേഷൻ ഓഫ് ഓട്ടോമൊബൈൽ വർക്ക്ഷോപ്പ് കേരള (എ എ ഡബ്ല്യു കെ) സംസ്ഥാന സമ്മേളനത്തിന്റെ ഭാഗമായി നടത്തിയ നറുക്കെടുപ്പ് വിജയിക്കുള്ള ബുള്ളറ്റ് നാളെ (8) കൈമാറുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. കേണിച്ചിറ സ്വദേശി അഖിലിനാണ് നറുക്കെടുപ്പിലൂടെ ബുള്ളറ്റ് ലഭിക്കുന്നത്. രാവിലെ പത്ത് മണിക്ക് വാര്യാടുള്ള എ എ ഡബ്ല്യു കെ ഓഫീസിൽ വെച്ച് ഐ സി ബാലകൃഷ്ണൻ എം എൽ എ സമ്മാനദാനവും ഉദ്ഘാടനവും നിർവഹിക്കും. സംസ്ഥാന ജോ.സെക്രട്ടറി പി ഡി സുരേഷ് കുമാർ മുഖ്യപ്രഭാഷണം നടത്തും. വാർത്താ സമ്മേളനത്തിൽ ജില്ലാ പ്രസിഡന്റ് പ്രസാദ് കുമാർ, സെക്രട്ടറി കെ എൻ പ്രശാന്തൻ, ജോ.സെക്രട്ടറി വാസു, വൈസ് പ്രസിഡന്റ് ബിജു മനയ്ക്കൽ തുടങ്ങിയവർ പങ്കെടുത്തു.