ജവഹര്‍ നവോദയ വിദ്യാലയം: ആറാം ക്ലാസ് പ്രവേശന പരീക്ഷ 20ന്

കല്‍പ്പറ്റ: ലക്കിടിയിലെ ജവഹര്‍ നവോദയ വിദ്യാലയത്തില്‍ 2024-25 അധ്യയന വര്‍ഷത്തെ ആറാം ക്ലാസ് പ്രവേശനത്തിനു പരീക്ഷ 20ന് രാവിലെ 11.30 മുതല്‍ 1.30 വരെ നടത്തും. ജില്ലയിലെ സ്‌കൂളുകളില്‍ അഞ്ചാം ക്ലാസില്‍ പഠിക്കുന്നതില്‍ രജിസ്റ്റര്‍ ചെയ്തവര്‍ക്കായാണ് പരീക്ഷ. അഡ്മിറ്റ് കാര്‍ഡ് https://cbseitms.rcil.gov.in/nvs/Admincard?AspxAutoDetectCookieSupport=1 വെബ്‌സൈറ്റില്‍നിന്നു ഡൗണ്‍ലോഡ് ചെയ്യാം. പരീക്ഷ വിജയിക്കുന്ന കുട്ടികളില്‍ 80 പേരെ നവോദയ വിദ്യാലയത്തില്‍ പന്ത്രണ്ടാം ക്ലാസ് വരെ സൗജന്യമായി പഠിപ്പിക്കും. വിശദവിവരത്തിന് 9961556816 എന്ന നമ്പറില്‍ ബന്ധപ്പെടാമെന്ന് പ്രിന്‍സിപ്പല്‍ അറിയിച്ചു. പരീക്ഷയ്ക്ക് എത്തുന്നവര്‍ അഡ്മിറ്റ് കാര്‍ഡ് കരുതണം.