ലോക്സഭാ തെരഞ്ഞെടുപ്പ്: വോട്ടെണ്ണലിന് ജില്ലയൊരുങ്ങി :ആദ്യം എണ്ണുന്നത് തപാല് വോട്ടുകള്; പഴുതടച്ച സുരക്ഷാ സംവിധാനം,ഫലമറിയിക്കാന് മീഡിയ സെന്റര്
കൽപ്പറ്റ : വയനാട് ലോക്സഭാ മണ്ഡലത്തിലെ വോട്ടെണ്ണലിന് ജില്ലയില് വിപുലമായ ക്രമീകരണങ്ങള് ഒരുക്കിയതായി ജില്ലാ കളക്ടര് ഡോ രേണുരാജ് അറിയിച്ചു. മൂന്ന് കേന്ദ്രങ്ങളിലായാണ് വയനാട് ലോക്സഭ മണ്ഡലത്തിലെ വോട്ടെണ്ണല് നടക്കുക. കല്പ്പറ്റ, മാനന്തവാടി, ബത്തേരി നിയമസഭാ മണ്ഡലങ്ങളിലെ വോട്ടുകള് മുട്ടില് ഡബ്ലു.എം.ഒ ആട്സ് ആന്ഡ് സയന്സ് കോളേജിലാണ് എണ്ണുക. നിലമ്പൂര്, ഏറനാട്, വണ്ടൂര് നിയമസഭാ മണ്ഡലങ്ങളിലെ വോട്ടെണ്ണല് നിലമ്പൂര് ചുങ്കത്തറ മാര്ത്തോമ ഹയര്സെക്കന്ഡറി സ്കൂളിലും തിരുവമ്പാടി നിയോജക മണ്ഡലത്തിലെ വോട്ടെണ്ണല് താമരശ്ശേരി സെന്റ് അല്ഫോന്സ സീനിയര് സെക്കന്ഡറി സ്കൂളിലും നടക്കും. തെരഞ്ഞെടുപ്പ് വോട്ടെണ്ണല് ഡ്യൂട്ടിയ്ക്ക് നിയോഗിച്ചിട്ടുള്ള അസിസ്റ്റന്റ് റിട്ടേണിങ് ഓഫീസര്മാര്, മൈക്രോ ഒബ്സര്വര്മാര്, കൗണ്ടിങ് സൂപ്പര്വൈസര്മാര്, കൗണ്ടിങ് അസിസ്റ്റന്റുമാര് എന്നിവര്ക്കുള്ള രണ്ടാംഘട്ട പരിശീലനം പൂര്ത്തിയായി. ഉദ്യോഗസ്ഥര്ക്കുള്ള മൂന്നാംഘട്ട പരിശീലനം ജൂണ് മൂന്നിന് സിവില് സ്റ്റേഷനിലെ ഡോ.എ.പി.ജെ ഹാളില് നടക്കും.
Leave a Reply