കനത്ത സുരക്ഷയില് സ്ട്രോങ്ങ് മുറികള്
കൽപ്പറ്റ : വോട്ടെടുപ്പിന് ശേഷം വോട്ടിങ്ങ് യന്ത്രങ്ങള് സൂക്ഷിച്ചിരിക്കുന്ന സ്ട്രോങ്ങ് മുറികള് കനത്ത സുരക്ഷയിലാണ്. കേന്ദ്ര ആംഡ് പോലീസ്, സംസ്ഥാന ആംഡ് പോലിസ്, സംസ്ഥാന പോലീസ് എന്നിവര് 24 മണിക്കൂറും മുട്ടില് ഡബ്ല്യു.എം.ഒ കോളേജിലെ സ്ട്രോങ്ങ് റൂമിന് കനത്ത സുരക്ഷയൊരുക്കുന്നു. ജൂണ് നാലിന് രാവിലെ 6.30 ന് റിട്ടേണിങ് ഓഫീസര്, അസിസ്റ്റന്റ് റിട്ടേണിങ് ഓഫീസര്മാര്, സ്ഥാനാര്ത്ഥി ഏജന്റുകള് എന്നിവരുടെ സാന്നിധ്യത്തില് സ്ട്രോങ്ങ് റൂമുകള് തുറക്കും. ഡ്യൂട്ടിക്ക് നിയോഗിക്കപ്പെട്ടവര്ക്കും പാസ്സുള്ളവര്ക്കും മാത്രമായിരിക്കും ഇവിടേക്ക് പ്രവേശനം. വോട്ടെണ്ണല് കേന്ദ്രങ്ങളിലും സുരക്ഷ കര്ശനമാക്കുമെന്ന് ജില്ലാ കളക്ടര് ഡോ.രേണുരാജ് അറിയിച്ചു.ജില്ലാ കളക്ടറുടെ ചേമ്പറില് നടന്ന പത്രസമ്മേളനത്തില് തെരഞ്ഞെടുപ്പ് വിഭാഗം ഡെപ്യൂട്ടി കളക്ടര് എന്.എം.മെഹറലി, ജില്ലാ ഇന്ഫര്മേഷന് ഓഫീസര് പി.റഷീദ് ബാബു തുടങ്ങിയവര് പങ്കെടുത്തു.
Leave a Reply