” ഉണരുക സജ്ജരാവുക”വനിതാ ലീഗ് പഞ്ചായത്ത് തല ക്യാമ്പയിൻ സംഘടിപ്പിച്ചു
പടിഞ്ഞാറത്തറ: സംസ്ഥാന വനിതാ ലീഗ് പ്രഖ്യാപിച്ച” ഉണരുക സജ്ജരാവുക ” പഞ്ചായത്ത് തല ക്യാമ്പയിൻ സംഘടിപ്പിച്ചു. സ്ത്രീശാക്തീകരണത്തിന് രാഷ്ട്രീയം അനിവാര്യമാണെന്നും ആവശ്യമായ സംഘടനാ പ്രവർത്തനങ്ങൾ ശാഖാതലങ്ങളിൽ ശക്തമാക്കാനും യോഗം തീരുമാനിച്ചു. പഞ്ചായത്ത് വനിതാ പ്രസിഡണ്ട് റഹ്മത്ത് ഗഫൂർ അധ്യക്ഷതവഹിച്ചു. കൽപ്പറ്റ നിയോജക മണ്ഡലം വനിതാ ലീഗ് പ്രസിഡണ്ട് റൈഹാനത്ത് ബഷീർ യോഗം ഉദ്ഘാടനം ചെയ്തു.
ജില്ലാ വനിതാ ലീഗ് വൈസ് പ്രസിഡണ്ട് അസ്മ കെ കെ മുഖ്യപ്രഭാഷണം നടത്തി. മണ്ഡലം സെക്രട്ടറി ഹാരിസ് സി.ഇ, മുസ്ലിം ലീഗ് പഞ്ചായത്ത് ജനറൽ സെക്രട്ടറി ഷംസുദ്ദീൻ എൻ പി, വനിതാലീഗ് പഞ്ചായത്ത് ഭാരവാഹികളായ സഫീറ അഷറഫ്, ഫൗസിയ ജലീൽ, ജനറൽ സെക്രട്ടറി നസീമ പൊന്നാണ്ടി, ആയിഷ കെ ടി തുടങ്ങിയവർ സംസാരിച്ചു.
Leave a Reply