കർഷകദിനത്തിൽ അവാർഡിന്റെ മധുരം നുണഞ്ഞ് അസംപ്ഷൻ എയുപി സ്കൂൾ.

By ന്യൂസ് വയനാട് ബ്യൂറോ

സുൽത്താൻ ബത്തേരി കൃഷി വകുപ്പ് ഒരുക്കിയ മികച്ച വിദ്യാർത്ഥി കർഷക അവാർഡ് സ്വന്തമാക്കി, അസംപ്ഷൻ എയുപി സ്കൂൾ വിദ്യാർത്ഥി ജോയൽ ലിജോ. കർഷകദിനത്തോടനുബന്ധിച്ച് സുൽത്താൻ ബത്തേരി വ്യാപാരഭവനിൽ നടന്ന അവാർഡ് ദാന ചടങ്ങിൽ മുൻസിപ്പൽ കൗൺസിലർ കെ സി യോഹന്നാൻ വിദ്യാർത്ഥി കർഷകനെ ആദരിച്ചു. കൃഷി ഓഫീസർ അജിൽ എം എസ് ചടങ്ങിൽ സ്വാഗതം ആശംസിച്ചു. മുൻസിപ്പൽ ഡെപ്യൂട്ടി ചെയർപേഴ്സൺ എൽസി പൗലോസ് ചടങ്ങ് ഉദ്ഘാടനം ചെയ്തു. വിവിധ വ്യക്തിത്വങ്ങൾ ആശംസകൾ അറിയിച്ചു. വിദ്യാഭ്യാസ സ്റ്റാൻറിംഗ് കമ്മിറ്റി ചെയർമാൻ ടോം ജോസ്, മുൻസിപ്പൽ കൗൺസിലർ പ്രജിത രവി, മികച്ച കർഷക അവാർഡ് ജേതാക്കൾ, അധ്യാപകർ ജിഷ എം പോൾ, അയന ആൻ മേരി, പിടിഎ പ്രതിനിധി ലിജോ, ജാസ്മിൻ പി , വിദ്യാർത്ഥികളായ ആദിലക്ഷ്മി, ആരുഷ്, ആദിദേവ്, അബിധാരണി, ലിയ ഷെറിൻ എന്നിവർ ചടങ്ങിൽ പങ്കെടുത്തു.