തദ്ദേശ സ്ഥാപന പ്രതിനിധികള്ക്ക് ശില്പശാല സംഘടിപ്പിച്ചു
കൽപ്പറ്റ: ആരോഗ്യ വകുപ്പ് ആരോഗ്യ മേഖലയെയും തദ്ദേശ സ്ഥാപനങ്ങളെയും ബന്ധിപ്പിക്കുന്നതിന്റെ ഭാഗമായി തദ്ദേശ സ്വയംഭരണ സ്ഥാപന പ്രതിനിധികള്ക്ക് ശില്പശാല സംഘടിപ്പിച്ചു. ആരോഗ്യ വകുപ്പ്, ആരോഗ്യ കേരളം എന്നിവയുടെ സംയുക്താഭിമുഖ്യത്തില് മീനങ്ങാടി ഗ്രാമപഞ്ചായത്ത് കമ്മ്യൂണിറ്റി ഹെല്ത്ത് സെന്ററില് സംഘടിപ്പിച്ച ശില്പശാല ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന് ഉദ്ഘാടനം ചെയ്തു. ആസ്പിരേഷന് പ്രോഗ്രാമിന്റെ ഭാഗമായി ജില്ലയില് നടപ്പാക്കേണ്ട വിവിധ പദ്ധതികള് ശില്പശാലയിയില് അവലോകനം ചെയ്തു.
ആരോഗ്യ മേഖലയ്ക്കായി തയ്യാറാക്കുന്ന പദ്ധതികളില് ശ്രദ്ധിക്കേണ്ട വിവിധ വിഷയങ്ങള് സംബന്ധിച്ച് യോഗത്തില് ചര്ച്ച ചെയ്തു. ആരോഗ്യ കേരളം ജില്ലാ പ്രോഗ്രാം മാനേജര് ഡോ സമീഹ സൈതലവി അധ്യക്ഷയായ പരിപാടിയില് ഡെപ്യൂട്ടി പ്ലാനിങ് ഓഫിസര് ശ്രീജിത്ത്, നൂല്പ്പുഴ കുടുംബാരോഗ്യ കേന്ദ്രം മെഡിക്കല് ഓഫിസര് ഡോ. ദാഹര് മുഹമ്മദ്, ആര്ദ്രം ജില്ലാ നോഡല് ഓഫിസര് ഡോ. പി.എസ് സുഷമ എന്നിവര് സംസാരിച്ചു. ത്രിതല പഞ്ചായത്ത് അധ്യക്ഷന്മാര്, ആരോഗ്യ-ക്ഷേമകാര്യ സ്ഥിരം സമിതി അധ്യക്ഷന്മാര്, സെക്രട്ടറിമാര് എന്നിവര് പങ്കെടുത്തു.
Leave a Reply