പരസ്യപ്രചാരണം ഇന്ന് അവസാനിക്കും; കേരളം പോളിംഗ് ബൂത്തിലേക്ക് നീങ്ങാൻ മണിക്കൂറുകൾ മാത്രം
കൽപ്പറ്റ: സംസ്ഥാനത്ത് നിയമസഭാ തിരഞ്ഞെടുപ്പിന്റെ പരസ്യപ്രചാരണം അവസാനിക്കാൻ മണിക്കൂറുകൾ. മൂന്നാഴ്ചയായി സംസ്ഥാനത്തുടനീളം ശക്തമായി നടന്ന പ്രചാരണങ്ങൾക്ക് ഇന്ന് വൈകുന്നേരത്തോടെ സമാപനം കുറിക്കും. വൈകിട്ട് 6 മണിവരെയാണ് പരസ്യപ്രചാരണം. പ്രചാരണത്തിന്റെ അവസാന ദിവസം കൊട്ടിക്കലാശത്തോടെ ആഘോഷമാക്കാന് മുന്നണികള് ഒരുങ്ങി കഴിഞ്ഞു. മണ്ഡലങ്ങളിലെ പ്രധാന കേന്ദ്രങ്ങളിൽ സ്ഥാനാർത്ഥികളും പ്രവർത്തകരും അണിനിരങ്ങുന്നതോടെ അവസാനഘട്ട ആവേശം കുതിച്ചുയരും.
48 മണിക്കൂര് മുമ്പുള്ള നിശബ്ദ പ്രചാരണ കാലയളവില് മണ്ഡലങ്ങളില് കര്ശന നിയന്ത്രണങ്ങളാണ് ഏര്പ്പെടുത്തിയിരിക്കുന്നത്. ടെലിവിഷന്, റേഡിയോ, സോഷ്യല് മീഡിയ എന്നിവയിലൂടെ തിരഞ്ഞെടുപ്പ് സംബന്ധമായ കാര്യങ്ങള് പ്രദര്ശിപ്പിക്കുന്നത് അനുവദനീയമല്ല. പത്രങ്ങളില് രാഷ്ട്രീയ പരസ്യങ്ങള് നല്കുന്നതിന് മീഡിയ സര്ട്ടിഫിക്കേഷന് ആന്ഡ് മോണിറ്ററിംഗ് കമ്മിറ്റിയുടെ മുന്കൂര് അനുമതി നിര്ബന്ധമാണ്.
ജില്ലയിലെ കൽപ്പറ്റ, സുൽത്താൻ ബത്തേരി, മാനന്തവാടി മണ്ഡലങ്ങളിൽ മൂന്ന് മുന്നണികളുടേയും അഭിമാനപോരാട്ടമാണ് നടക്കുന്നത്. ഒന്പതാം തിയതി കേരളം വിധിയെഴുതും. അടുത്ത മാസം നാലുവരെ തിരഞ്ഞെടുപ്പ് ഫലത്തിനായി നീണ്ട കാത്തിരിപ്പ് വേണ്ടിവരും.
Leave a Reply