വയനാട് ക്രിയേറ്റീവ് ഫോറം രൂപീകരിച്ചു

By ന്യൂസ് വയനാട് ബ്യൂറോ

കൽപ്പറ്റ: വയനാട് ജില്ലയിലെ കലാ-സാംസ്കാരിക മേഖലയിൽ പ്രവർത്തിക്കുന്നവരുടെ കൂട്ടായ്മയായ വയനാട് ക്രിയേറ്റീവ് ഫോറം (WCF) രൂപീകരിച്ചു. ജില്ലയിലെ കലാ-സാംസ്കാരിക പ്രവർത്തനങ്ങൾക്ക് പുതിയ വേദിയൊരുക്കുന്നതിനും വിവിധ മേഖലകളിൽ പ്രവർത്തിക്കുന്നവരെ ഒരുമിപ്പിക്കുന്നതിനുമാണ് ഫോറം ലക്ഷ്യമിടുന്നത്.

വയനാടിന്റെ വിവിധ ഭാഗങ്ങളിൽ കലാ-സാംസ്കാരിക പരിപാടികൾ സംഘടിപ്പിക്കുക, കലാകാരന്മാരുടെയും സാംസ്കാരിക പ്രവർത്തകരുടെയും കൂട്ടായ്മ ശക്തിപ്പെടുത്തുക, ഈ മേഖലയിൽ പ്രവർത്തിക്കുന്നവർക്ക് ആശയങ്ങളും അനുഭവങ്ങളും പങ്കുവയ്ക്കുന്നതിനുള്ള വേദിയൊരുക്കുക തുടങ്ങിയവയാണ് ഫോറത്തിന്റെ പ്രധാന ലക്ഷ്യങ്ങൾ.

കൽപ്പറ്റ ചന്ദ്രഗിരി ഓഡിറ്റോറിയത്തിൽ നടന്ന രൂപീകരണ ഉദ്ഘാടനച്ചടങ്ങ് സുനിൽ പി. ഇളയിടം ഉദ്ഘാടനം ചെയ്തു. തുടർന്ന് അതുൽ നറുകരയും സംഘവും അവതരിപ്പിച്ച സംഗീത പരിപാടിയും അരങ്ങേറി.