നെടുമ്പാശ്ശേരിയിൽ കാറും സ്കൂട്ടറും കൂട്ടിയിടിച്ച് അപകടം: വയനാട് സ്വദേശിനിയടക്കം മൂന്ന് പേർ മരിച്ചു

By ന്യൂസ് വയനാട് ബ്യൂറോ

നെടുമ്പാശ്ശേരിയിൽ പുലർച്ചെയുണ്ടായ വാഹനാപകടത്തിൽ മൂന്ന് പേർക്ക്‌ ദാരുണാന്ത്യം. അമിത വേഗതയിലെത്തിയ മിനികൂപ്പർ കാർ സ്കൂട്ടറിൽ ഇടിച്ചാണ് അപകടമുണ്ടായത്. പുലർച്ചെ രണ്ട് മണിയോടെയായിരുന്നു സംഭവം. സ്കൂട്ടറിൽ യാത്ര ചെയ്തിരുന്ന മടക്കിമല സന്തോഷ് ഭവനിൽ സന്തോഷിന്റേയും, സരിതയുടേയും മകൾ ദേവിക (കുക്കു 21) ആണ് മരിച്ച വയനാട് സ്വദേശിനി.  പാലക്കാട് സ്വദേശിനി ഗോപിക (22), സൗത്ത് കർണാടക സ്വദേശി ഇയാസ് (21) എന്നിവരാണ് മരിച്ച മറ്റു രണ്ട് പേർ.