ആൾമറയില്ലാത്ത കിണറിൽ വീണ് ഒരു വയസുകാരി മരിച്ചു 

By ന്യൂസ് വയനാട് ബ്യൂറോ

ആലാറ്റിൽ :വീടിനു സമീപമുള്ള ആൾമറയില്ലാത്ത കിണറിൽ വീണ് ഒരു വയുസകാരി മരണപ്പെട്ടു. ആലാറ്റിൽ ഇരുമനത്തൂർ മഠത്തിൽ ഉന്നതിയിലെ മണിയൻ-അമിത ദമ്പതികളുടെ മകൾ അരുണിമയാണ് മരിച്ചത്. ഇന്ന് വൈകീട്ട് അഞ്ച് മണിയോടെയാണ് സംഭവം. കുട്ടിയെ കാണാതായതിനെ തുടർന്ന് നടത്തിയ അന്വേഷണത്തിൽ വീടിനു സമീപമുള്ള കിണറിൽ കുട്ടിയെ കണ്ടെത്തുകയായിരുന്നു. തുടർന്ന് കുഞ്ഞിനെ പുറത്തെടുത്ത് മാനന്തവാടി മെഡിക്കൽ കോളേജ് ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു.