ശ്രദ്ധേയമായ നീക്കം: ‘ഉമ്മയും മോനും”ഉപ്പയും മകളും’ സ്ഥാനാര്ത്ഥികള്; എസ്ഡിപിഐ പ്രഖ്യാപനം ചര്ച്ചയാവുന്നു
മാനന്തവാടി:തദ്ദേശ സ്വയംഭരണ തിരഞ്ഞെടുപ്പ് ചൂടുപിടിച്ച ഈ വേളയില്, കുടുംബബന്ധങ്ങളിലെ രണ്ട് തലമുറകളെ ഒരേ സമയം ജനസേവനരംഗത്തേക്ക് കൊണ്ടുവന്നുകൊണ്ടുള്ള എസ്ഡിപിഐയുടെ പ്രഖ്യാപനം വയനാട്ടിലെ രണ്ട് പഞ്ചായത്തുകളില് വലിയ ചര്ച്ചയായിരിക്കുകയാണ്. എസ്ഡിപിഐ പ്രഖ്യാപിച്ച ഈ അപൂര്വ സ്ഥാനാര്ത്ഥിത്വമാണ് പ്രാദേശിക രാഷ്ട്രീയരംഗത്ത് ശ്രദ്ധ നേടുന്നത്.
തവിഞ്ഞാല് ഗ്രാമപഞ്ചായത്തില് ഉമ്മയും മകനുമാണ് എസ്ഡിപിഐ സ്ഥാനാര്ത്ഥികളായി മത്സരിക്കുന്നത്.
വാര്ഡ് 05-ലെ സ്ഥാനാര്ത്ഥിയായ കെ.എസ്. മുഹമ്മദ് സകരിയ്യ, വാര്ഡ് 08-ലെ സ്ഥാനാര്ത്ഥിയായ സുഹറ ഷൗക്കത്തലിയുടെ മകനാണ്.
അതുപോലെ, പനമരം ഗ്രാമപഞ്ചായത്തില് ഉപ്പയും മകളുമാണ് എസ്ഡിപിഐക്ക് വേണ്ടി ജനവിധി തേടുന്നത്.വാര്ഡ് 2-ല് മത്സരിക്കുന്ന കെ.സി. അബ്ദുല്ലയുടെ മകളാണ്, വാര്ഡ് 23-ല് സ്ഥാനാര്ത്ഥിയായ നുഫൈസ.ഒരേസമയം രണ്ട് പഞ്ചായത്തുകളിലായി കുടുംബത്തിലെ രണ്ട് തലമുറകളെ രാഷ്ട്രീയരംഗത്തേക്ക് പ്രവേശിപ്പിച്ചുകൊണ്ടുള്ള എസ്ഡിപിഐയുടെ ഈ നീക്കം ഇരു പ്രദേശങ്ങളിലെയും തെരഞ്ഞെടുപ്പ് ചര്ച്ചകളെ കൂടുതല് സജീവമാക്കിയിരിക്കുകയാണ്.സ്ഥാനാര്ത്ഥിത്വത്തിലെ ഈ പുതുമ വോട്ടര്മാര്ക്കിടയില് ആകാംക്ഷയോടെയാണ് ചര്ച്ച ചെയ്യപ്പെടുന്നത്.
Leave a Reply