പ്രൊവിഡന്റ് ഫണ്ട് പെൻഷനേഴ്സ് അസോസിയേഷൻ മൂന്നാം ദിവസ സമരം

By ന്യൂസ് വയനാട് ബ്യൂറോ

കൽപ്പറ്റ: പ്രൊവിഡന്റ് ഫണ്ട് പെൻഷനേഴ്സ് അസോസിയേഷൻ രാജ്യവ്യാപകമായി നടത്തിവരുന്ന സമരത്തിന്റെ ഭാഗമായി കൽപ്പറ്റ പി എഫ് ഓഫീസിനു മുന്നിൽ മൂന്നാം ദിവസവും സമരം നടന്നു. ഐഎൻടിയുസി വയനാട് ജില്ലാ പ്രസിഡണ്ട് പി പി ആലി ധർണാ സമരം ഉദ്ഘാടനം ചെയ്തു. പി എഫ് പി എ വയനാട് ജില്ലാ പ്രസിഡണ്ട് സി എം ശിവരാമൻ അധ്യക്ഷത വഹിച്ചു. സംസ്ഥാന സെക്രട്ടറി പിഅപ്പൻ നമ്പ്യാർ, പി കെ അനിൽകുമാർ എച്ച്എംഎസ്, കെ കൃഷ്ണകുമാർ എഐടിയുസി, സി എച്ച് മമ്മി സിഐടിയു എന്നീ ട്രേഡ് യൂണിയൻ നേതാക്കൾ സംസാരിച്ചു. എ സോമൻ നന്ദി രേഖപ്പെടുത്തി. ജില്ലയിലെ വിവിധ ഭാഗങ്ങളിലുള്ള പെൻഷൻകാർ പങ്കെടുത്തു.