പൂർവ്വവിദ്യാർത്ഥി സംഗമം നടത്തി

 മാനന്തവാടി: പയ്യംമ്പള്ളി സെന്റ് കാതറൈൻസ് ഹയർ സെക്കന്ററി സ്കൂളിലെ 2006-2008 പ്ലസ് ടു ഹ്യുമാനിറ്റീസ് ബാച്ചിന്റെ പൂർവ്വവിദ്യാർത്ഥി സംഗമം ഓർമ്മച്ചെപ്പ് 2023 എന്ന പേരിൽ സംഘടിപ്പിച്ചു. മുപ്പത്തോളം വിദ്യാർത്ഥികളും ആ കാലഘട്ടത്തിലെ അധ്യാപകരും ഒന്നുച്ചേർന്ന ഈ കൂടിച്ചേരൽ അവിസ്മരണീയമായിരുന്നു. യോഗത്തിൽ വെച്ച് പൂർവ്വ അധ്യാപകരെ മെമെന്റോ നൽകി ആദരിച്ചു. ചടങ്ങ് സ്കൂൾ പ്രിൻസിപ്പൽ രാജു ജോസഫ് ഉദ്ഘാടനം ചെയ്തു. ജിൻസ് വി.ജെ അധ്യക്ഷത വഹിച്ച യോഗത്തിൽ ബെൻസൺ ഫിലിപ്പ് സ്വാഗതവും കാർത്തിക ലക്ഷ്മി നന്ദിയും പ്രകാശിപ്പിച്ചു.