മനുഷ്യ – വന്യജീവി സംഘർഷത്തിന് ഉടനടി പരിഹാരമുണ്ടാക്കണമെന്ന് കർഷക കൂട്ടായ്മ.

വയനാട് കർഷകൂട്ടായ്മ രൂപീകരിച്ചു.                     കൽപ്പറ്റ  .:                           കൃഷിക്കാരനും, കാർഷിക വ്യവസ്ഥയും തകർച്ചയുടെ നെല്ലിപ്പടിയിൽ എത്തി നിൽക്കുന്ന  വയനാട്ടിൽ പരിസ്ഥിതി പുനരുജ്ജീവനം മാത്രമാണ് പോംവഴിയെന്ന് വ്യക്തമായിരിക്കേ, രാസമുക്തവും, വിഷ രഹിതവുമായ ഹരിത വയനാട് നിയമം മൂലം പ്രഖ്യാപിക്കണമെന്നും, സ്ഫോടാക കാവസ്ഥയിൽ എത്തി നിൽക്കുന്ന മനുഷ്യ – വന്യജീവി സംഘർഷത്തിന് ഉടനടി പരിഹാരമുണ്ടാക്കണമെന്നും ബത്തേരിയിൽ ചേർന്ന കർഷക കൂട്ടായ്മ ആവശ്യപ്പെട്ടു. വയനാടിന്റെ വിവിധ ഭാഗങ്ങളിൽ നിന്നുമെത്തിയ കർഷകരുടെ കൂട്ടായ്മ മുൻ ചീഫ് സെക്രട്ടറി എസ്.എം.വിജയാനന്ദ് ഉദ്ഘാടനം ചെയ്തു .          കർഷകന് സ്ഥിരവരുമാനവും, ജീവിത സുരക്ഷയും ഇല്ലാത്തതിനാലാണ് കർഷക ആത്മഹത്യകൾ പെരുകിക്കൊണ്ടിരിക്കുന്നതു്. കേന്ദ്ര – സംസ്ഥാന സർക്കാരുകൾ ഇതിനുത്തരവാദികളാണ്. തമിഴ്നാട്, കർണാടക സംസ്ഥാനങ്ങൾക്കും, കോഴിക്കോട്, മലപ്പുറം, കണ്ണർ ,കാസർകോട് ജില്ലകൾക്കും ജലം നൽകുന്ന വയനാടിന്റെ ജല സുരക്ഷയും, സുസ്ഥിരതയും ഉറപ്പാക്കുന്ന പരമ്പരാഗത പ്രകൃതി കൃഷിയാണ് വയനാട്ടിൽ വളർന്നു വരേണ്ടത് .അതിനായി പരമ്പരാഗത കൃഷി ചെയ്യുന്ന നെൽവയലുകൾക്കും, പരമ്പരാഗത കാപ്പി, കുരുമുളകു തോട്ടങ്ങൾക്കും ധനസഹായം നല്കണം.      മരങ്ങൾ ഈടായി സ്വീകരിച്ച് വായ്പ നൽകാൻ ബേങ്കുകൾക്ക് നിർദ്ദേശം നൽകണം. നോട്ടു നിരോധനം പോലുള്ള നടപടികൾ മൂലവും, പ്രകൃതിദുരന്തങ്ങൾ കൊണ്ടും വില കിട്ടാതെയും, കൃഷി നാശംവന്നും കാർഷിക വായ്പകൾ തിരിച്ചടക്കാൻ കഴിയാത്ത സാഹചര്യത്തിൽ കാർഷിക കടങ്ങൾ എഴുതി തള്ളണം, തണ്ണീർതട -നെൽവയൽ സംരക്ഷണ നിയമഭേദഗതി സർക്കാർ റദ്ദാക്കണ മെന്ന തടക്കമുള്ള ആവശ്യങ്ങൾ കർഷക കൂട്ടായ്മ സർക്കാരിനോടാവശ്യപ്പെട്ടു,                                      കൽപ്പറ്റ ,മാനന്തവാടി, പുൽപ്പള്ളി എന്നിവടങ്ങളിൽ കർഷക കൺവെൻഷനുകൾ സംഘടിപ്പിക്കുവാനും ,കർഷകരുടെ അവകാശപത്രിക തയ്യാറാക്കാനും, പാർലമെന്റു സ്ഥാനാസ്ഥികളുമായി കർഷക മുഖാമുഖം സംഘടിപ്പിക്കാനും യോഗം തീരുമാനിച്ചു. തണൽ ഡയറക്ടർ എസ് .ഉഷയുടെ അദ്ധ്യക്ഷതയിൽ ചേർന്ന കൂട്ടായ്മയിൽ രാജേഷ് തിരുനെല്ലി, ടി.ശിവരാജ്, എം .ബാബുരാജ്, എൻ.ബാദുഷ, സി.ഡി, സുനീഷ്, സി.എസ്.ഗോപാലകൃഷ്ണൻ, തോമസ് അമ്പലവയൽ, ഗംഗാധരൻ, ശ്രീധരൻ, ബഷീർ നായ്ക്കുട്ടി, സുലോചന രാമകൃഷ്ണൻ ,തുടങ്ങിയവർ പ്രസംഗിച്ചു