കേരളത്തിൽ നിപ വൈറസ് റിപ്പോർട്ട് ചെയ്തതിനെത്തുടർന്ന് അതിർത്തിയിൽ പരിശോധന ശക്തമാക്കി തമിഴ്നാട്

കേരളത്തിൽനിന്നെത്തുന്നവരെ മുഴുവൻ ചെക് പോസ്റ്റുകളിലും പരിശോധിക്കുന്നുണ്ട്. പനി പരിശോധിച്ച്, ലക്ഷണങ്ങളുള്ളവരെ തിരിച്ചയക്കുകയാണ്. അതിർത്തി കടന്നുവരുന്ന പച്ചക്കറി ലോറികൾ, ഇറച്ചികൊണ്ടുവരുന്ന വാഹനങ്ങൾ എന്നിവയടക്കം അണുനാശിനി തളിച്ചാണ് കടത്തിവിടുന്നത്. ചെക് പോസ്റ്റുകളിലും പ്രധാനപ്പെട്ട കേന്ദ്രങ്ങളിലും പ്രത്യേക പരിശോധനാക്യാമ്പുകൾ തുറന്നിരിക്കുകയാണ് ജില്ലാഭരണകൂടം. അതിർത്തികളിലുൾപ്പെടെ കർശനപരിശോധന വരുംനാളുകളിൽ ശക്തമാക്കാൻ കളക്ടർ എസ്. അരുണ അധികൃതർക്ക് നിർദേശം നൽകി. ജില്ലയിലെ മുഴുവൻ ആരോഗ്യകേന്ദ്രങ്ങളിലും പ്രത്യേക പനി പരിശോധനാ കേന്ദ്രങ്ങൾ ഏർപ്പെടുത്തി