സന്തോഷവാർത്ത: ഗവ നഴ്സിംഗ് കോളേജിൽ ക്ലാസുകള്‍ നാളെ തുടങ്ങും
മാനന്തവാടി: വയനാട് മെഡിക്കല്‍ കോളേജിനോട് ചേര്‍ന്ന് സര്‍ക്കാര്‍ ഈ വര്‍ഷത്തെ ബജറ്റില്‍ പ്രഖ്യാപിച്ച നഴ്സിംഗ് കോളേജ് നാളെ ബുധനാഴ്ച പ്രവര്‍ത്തനം തുടങ്ങും. അനുവദിക്കപ്പെട്ട 60 സീറ്റുകളിലും ആദ്യ വര്‍ഷ പ്രവേശനം പൂര്‍ത്തിയായി. നിലവില്‍ മെഡിക്കല്‍ കോളേജ് ഓഫീസ് പ്രവര്‍ത്തിക്കുന്ന കെട്ടിടത്തില്‍ തന്നെയാണ് പുതിയ നഴ്സിംഗ് കോളേജ് പ്രവര്‍ത്തനം തുടങ്ങുന്നത്.
2023 – 24 ലെ സംസ്ഥാന സര്‍ക്കാരിന്റെ ബജറ്റിലാണ് നഴ്‌സിങ്ങ് കോളേജ് അനുവദിച്ചത്. പ്രിന്‍സിപ്പാളായി പി. ഉഷാ കുമാരി ചുമതല ഏറ്റെടുത്തു. മാനന്തവാടി നിയോജക മണ്ഡത്തിലെ ഉന്നത വിദ്യാഭ്യാസ മേഖലയിലെ ഏറ്റവും സുപ്രധാനമായ ഒരു ചുവടാണ് നഴ്സിംഗ് കോളേജ് തുടങ്ങുന്നതിലൂടെ സാധ്യമാകുന്നതെന്ന് ഒ.ആര്‍. കേളു എം എല്‍ എ പറഞ്ഞു. ആരോഗ്യ വകുപ്പ് ഡയറക്ടറുടെ കീഴിലുള്ള സര്‍ക്കാര്‍ നഴ്സിംഗ് കോളേജ് പനമരത്ത് പ്രവര്‍ത്തിച്ചു വരുന്നുണ്ട്. ഒരുക്കങ്ങള്‍ വിലയിരുത്തുന്നതിന്റെ ഭാഗമായി നേഴ്സിംഗ് കോളേജ് എം.എല്‍.എ സന്ദര്‍ശിച്ചു.
Leave a Reply