കറുത്ത പൊന്നിന് കൃഷി നാശം ആശങ്കയിലായി കർഷകർ 

By ന്യൂസ് വയനാട് ബ്യൂറോ

മീനങ്ങാടി: കറുത്ത് പൊന്ന് എന്ന ഖ്യാതി നേടിയ വയനാടൻ കുരുമുളക് തോട്ടങ്ങളിൽ കൃഷി നാശം.തോ​ട്ട​ങ്ങ​ളി​ൽ ദ്രുതവാട്ടവും മ​ഞ്ഞ​ളി​പ്പ് രോ​ഗം വ്യാ​പ​ക​മാ​യിട്ടുണ്ട്.കീ​ട​ബാ​ധ​യെ തു​ട​ർ​ന്ന് കു​ര​മു​ള​ക് തോ​ട്ട​ങ്ങ​ൾ നാ​ശ​ത്തി​ന്റെ വ​ക്കി​ലാ​ണ്. ഇപ്പോൾ മുളകിന് മാന്യമായ വിലയുണ്ട്. എന്നാൽ വിളവെടുപ്പ് സമയമാകുമ്പഴേക്കും വാടി കരിയുന്ന സ്ഥിതിയാണ്.

നൂ​റു​ക​ണ​ക്കി​ന് ക​ർ​ഷ​ക​രെ​യാ​ണ് മ​ഞ്ഞ​ളി​പ്പ് രോ​ഗം ആ​ശ​ങ്ക​യി​ലാ​ക്കു​ന്ന​ത്. ര​ണ്ടാ​യി​ര​ത്തി​ന് ശേ​ഷ​മാ​ണ് ജി​ല്ല​യി​ലെ കു​രു​മു​ള​ക് തോ​ട്ട​ങ്ങ​ളി​ൽ മ​ഞ്ഞ​ളി​പ്പും ദ്രു​ത വാ​ട്ട​വും വ്യാ​പ​ക​മാ​യ​ത്.

ഹെ​ക്ട​ർ ക​ണ​ക്കി​ന് തോ​ട്ട​ങ്ങ​ൾ രോ​ഗ ബാ​ധ​യെ തു​ട​ർ​ന്ന് ന​ശി​ക്കു​ക​യും ക​ർ​ഷ​ക​ർ വ​ലി​യ പ്ര​തി​സ​ന്ധി​യി​ലാ​വു​ക​യും ചെ​യ്തു. പി​ന്നീ​ട് ചി​ല തോ​ട്ട​ങ്ങ​ളി​ൽ വീ​ണ്ടും കു​രു​മു​ള​ക് ചെ​ടി​ക​ള്‍ ന​ട്ടു​വ​ള​ർ​ത്തി​യി​രു​ന്നു. വീ​ണ്ടും ദ്രു​തവാ​ട്ട​വും മ​ഞ്ഞ​ളി​പ്പും വ​ർ​ധി​ച്ച​തോ​ടെ ക​ർ​ഷ​ക​ർ ആ​ശ​ങ്ക​യി​ലാ​ണ്.

1990ക​ളി​ലാ​ണ് ദ്രു​ത​വാ​ട്ട രോ​ഗം കു​രു​മു​ള​കി​ല്‍ ക​ണ്ടു തു​ട​ങ്ങി​യ​ത്. രോ​ഗം ബാ​ധി​ച്ചാ​ൽ ചെ​ടി​യു​ടെ ഇ​ല​യും ത​ണ്ടും ദി​വ​സ​ങ്ങ​ള്‍ക്കു​ള്ളി​ല്‍ മ​ഞ്ഞ​ളി​പ്പു​ണ്ടാ​യി ന​ശി​ക്കും. ഇ​പ്പോ​ൾ വി​ല ഉ​യ​ര്‍ന്നി​ട്ടു​ണ്ടെ​ങ്കി​ലും വി​ള​വെ​ടു​പ്പ് ​വളരെ കു​റ​ഞ്ഞു.

കു​രു​മു​ള​കി​ന്റെ നാ​ശം ത​ട​യു​ന്ന​തി​ന് കേ​ന്ദ്ര സ​ര്‍ക്കാ​ര്‍ സ്‌​പൈ​സ​സ് ബോ​ര്‍ഡ് മു​ഖേ​ന ന​ട​പ്പാ​ക്കി​യ കു​രു​മു​ള​ക് ആ​വ​ര്‍ത്ത​ന കൃ​ഷി ഫ​ലം ക​ണ്ടി​രു​ന്നു​വെ​ങ്കി​ലും കീ​ട​ബാ​ധ ക​ര്‍ഷ​ക​രെ വീ​ണ്ടും പ്ര​തി​സ​ന്ധി​യി​ലാ​ക്കി​യി​രി​ക്കു​ക​യാ​ണ്. പ​ല മ​രു​ന്നു​ക​ളും നി​ർ​ദേ​ശി​ക്കു​ന്നു​ണ്ടെ​ങ്കി​ലും വേ​ണ്ട​ത്ര ഫ​ലം ചെ​യ്യു​ന്നി​ല്ലെ​ന്നാ​ണ് ക​ർ​ഷ​ക​ർ പ​റ​യു​ന്ന​ത്. അതേ സമയം കൃഷി വകുപ്പ് ഉദ്യോഗസ്ഥർ കാര്യക്ഷമമായി പ്രവർത്തിക്കുന്നില്ലെന്നും പരാതിയുണ്ട്. പ്രതിരോധ പ്രവർത്തനങ്ങളിലും, ചെടികളുടെ പരിശോധനയിലും ശ്രദ്ധിക്കുന്നില്ലത്രെ