മക്കളോടൊപ്പം’ സൗജന്യ പഠനസാമഗ്രികൾ കൈമാറി
വെള്ളമുണ്ട: ഗ്രാമപഞ്ചായത്ത് തനത് വിദ്യാഭ്യാസ പിന്തുണ പദ്ധതി “മക്കളോടൊപ്പം “പരിപാടിയുടെ ഭാഗമായി വാളാരംകുന്ന് ഊരിലെ അമ്പതോളം വരുന്ന മുഴുവൻ ഗോത്ര വിദ്യാർത്ഥികൾക്കും സൗജന്യ പഠന സാമഗ്രികൾ വിതരണം ചെയ്തു.
ജില്ലാ പഞ്ചായത്ത് വെള്ളമുണ്ട ഡിവിഷനും സ്പൈസസ് സ്പോട്ടും സഹകരിച്ചാണ് പരിപാടി സംഘടിപ്പിച്ചത്.
വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു.വാർഡ് മെമ്പർ ശാരദ അത്തിമറ്റം അധ്യക്ഷത വഹിച്ചു. സ്പൈസസ് സ്പോട്ട് സി.ഇ.ഒ നിസാർ എം.പി,നയൻതാര. സി.എൻ,ഉഷാകുമാരി എം.കെ,ജോസ്. ഐ.സി,ബിബിൻ കെ ,ലാലി ജോസ്, സുരഭി തുടങ്ങിയവർ സംസാരിച്ചു.
Leave a Reply