ടൂറിസ്റ്റ് ബസ് പിക്കപ്പിലിടിച്ചു; ആറോളം പേര്‍ക്ക് പരിക്ക്
തലപ്പുഴ: തലപ്പുഴ കെഎസ്ഇബിക്ക് സമീപം നിയന്ത്രണം വിട്ട ടൂറിസ്റ്റ് ബസ് റോഡരികില്‍ നിര്‍ത്തിയിട്ടിരുന്ന പിക്കപ്പില്‍ ഇടിച്ചു. കെഎസ്ഇബി എച്ച്.റ്റി ലൈന്‍ സ്ഥാപിക്കാനുള്ള പോസ്റ്റുകള്‍ കയറ്റിയ പിക്കപ്പിലാണ് ബസ്സിടിച്ചത്. ബസ് യാത്രികരായ ആറോളം പേര്‍ക്ക് പരിക്കേറ്റിട്ടുണ്ട്. ഇവരെ മാനന്തവാടി മെഡിക്കല്‍ കോളേജില്‍ പ്രവേശിപ്പിച്ചു. കണ്ണൂര്‍ ഏ ആര്‍ ക്യാമ്പിലെ പോലീസുകാരും കുടുംബവും സഞ്ചരിച്ച ബസ്സാണ് അപകടത്തില്‍പ്പെട്ടത്. സമീപത്ത് നിര്‍ത്തിയിട്ടിരുന്ന ബൈക്കിനും തകരാറുകള്‍ സംഭവിച്ചിട്ടുണ്ട്.
Leave a Reply