ദുക്റാന തിരുനാൾ ആഘോഷിച്ചു
മാനന്തവാടി: മുതിരേരി ചെറുപുഷ്പ ദേവാലയത്തിൽ ദുക്റാന തിരുനാൾ ആഘോഷിച്ചു. തിരുനാൾ പാട്ടുകുർബാനയ്ക്ക് ഇടവക വികാരി ഫാദർ സ്റ്റീഫൻ കോട്ടയ്ക്കൽ മുഖ്യകാർമികനായി. തുടർന്ന് നടന്ന പൊതുസമ്മേളത്തിൽ പോരൂർ ജി എൽ പി സ്കൂളിലെ ഹെഡ്മാസ്റ്ററും, സംസ്ഥാനത്തെ മികച്ച അധ്യാപകനായി തിരഞ്ഞെടുത്ത രമേശൻ എഴോക്കാരൻ പരിപാടി ഉദ്ഘാടനം ചെയ്തു. ചടങ്ങിൽ ഇടവക വികാരി ഫാദർ സ്റ്റീഫൻ കോട്ടയ്ക്കൽ പൊന്നാട അണിയിച്ച് ആദരിക്കുകയും ചെയ്തു. സാഹിത്യ സമാജ ഉദ്ഘാടനവും ചടങ്ങിൽ നടത്തി.
ഡി എസ് ടി കോൺവെൻറ് സിസ്റ്റർ മേരി ചെന്നോത്ത് അധ്യക്ഷയായി. ഹെഡ്മാസ്റ്റർ ജോണി കാരക്കട, പി.ടി.എ പ്രസിഡണ്ട് ബിനോയ് കുറുപ്പൻപറമ്പിൽ, ജനറൽ ലീഡർ അലോണ മരിയ ബിനോയ്, അസി. ലീഡർ ജോഹാൻ ജോബി പാറയിൽ എന്നിവർ സംസാരിച്ചു. തുടർന്ന് കുട്ടികളുടെ വിവിധ കലാപരിപാടികൾ അരങ്ങേറി.
Leave a Reply