വിൽപ്പനക്കായി സൂക്ഷിച്ച 12 ബോട്ടിൽ പുതുച്ചേരി വിദേശമദ്യവുമായി ഒരാൾ പിടിയിൽ 

കമ്പളക്കാട് : കണിയാമ്പറ്റ മില്ല് മുക്ക് പോയിലൻ വീട്ടിൽ ഖാദർ (60) ആണ് കമ്പളക്കാട് പോലീസിന്റെ പിടിയിലായത്. കേന്ദ്രഭരണ പ്രദേശമായ പുതുച്ചേരിയിൽ മാത്രം വിൽപ്പന നടത്താവുന്ന 500 എം.എൽ അടങ്ങിയ 12 ബോട്ടിൽ വിദേശമദ്യമാണ് 06.12.2024ന് ഇയാളുടെ വീട്ടിൽ നിന്നും പിടിച്ചെടുത്തത്. കമ്പളക്കാട് ഇൻസ്‌പെക്ടർ എസ്.എച്ച്.ഓ എം.എ സന്തോഷിനു ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് മദ്യം കണ്ടെടുക്കുന്നത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.