താമരശ്ശേരി ചുരത്തില് മള്ട്ടിആക്സില് വാഹനങ്ങള്ക്കും പ്രവേശനാനുമതി ;ഒറ്റവരിയായുള്ള ഗതാഗത നിയന്ത്രണം തുടരും
കല്പ്പറ്റ:മണ്ണിടിച്ചിലുണ്ടായ താമരശ്ശേരി ചുരം പ്രദേശത്ത് മഴ കുറഞ്ഞ സാഹചര്യത്തില് ഇതു വഴി മള്ട്ടിആക്സില് വാഹനങ്ങള് ഉള്പ്പെടെ എല്ലാ വാഹനങ്ങള്ക്കും നിയന്ത്രണ വിധേയമായി ഗതാഗതം അനുവദിക്കുമെന്ന് കോഴിക്കോട് ജില്ലാ കലക്ടര് സ്നേഹില് കുമാര് സിംഗ് അറിയിച്ചു. നിലവിലെ ഒറ്റവരിയായുള്ള ഗതാഗത നിയന്ത്രണം തുടരും. പോലീസിന്റെ നിയന്ത്രണത്തോടെ ഇരു ഭാഗത്തുനിന്നും വരുന്ന വാഹനങ്ങള് കൃത്യമായ സമയം ഇടവിട്ടാണ് കടത്തിവിടുക. മഴ ശക്തമാകുന്ന സാഹചര്യങ്ങളുണ്ടായാല് നിയന്ത്രണങ്ങള് പുനസ്ഥാപിക്കും.ചുരം വ്യൂപോയിന്റില് വിനോദസഞ്ചാരികള്ക്ക് ഏര്പ്പെടുത്തിയ വിലക്ക് തുടരും. ഇവിടെ വാഹനം നിര്ത്തുകയോ ആളുകള് പുറത്തേക്കിറങ്ങുകയോ ചെയ്യരുതെന്നും ജില്ലാ കലക്ടര് അറിയിച്ചു.
Leave a Reply