കെപിസിസി സംസ്കാര സാഹിതി ഓണക്കോടി വിതരണം ചെയ്തു

By ന്യൂസ് വയനാട് ബ്യൂറോ

മേപ്പാടി: കെപിസിസി സംസ്കാര സാഹിതി മേപ്പാടി പഞ്ചായത്ത് കമ്മിറ്റിയുടെ നേതൃത്വത്തിൽ 12 വനിതാ അംഗങ്ങൾക്ക് ഓണക്കോടി വിതരണം ചെയ്തു. മേപ്പാടിയിലെ കൽപ്പറ്റ ബ്ലോക്ക് കോൺഗ്രസ് പ്രസിഡന്റ് ബി. സുരേഷ് ബാബു ഓണക്കോടി വിതരണത്തിന്റെ ഉദ്ഘാടനം നിർവഹിച്ചു.

സംസ്കാര സാഹിതി ചെയർമാൻ എൻ. അബ്ദുൾ മജീദ് യോഗത്തിൽ അധ്യക്ഷത വഹിച്ചു. മണ്ഡലം കോൺഗ്രസ് പ്രസിഡന്റ് ഒ.വി. റോയ് മുഖ്യപ്രഭാഷണം നടത്തി. നോറിസ് എം, രാജു ഹെഗ്മഡി, ടി.എ. മുഹമ്മദ്, രാംകുമാർ ജോൺ മാത, ശ്രീജ ബാബു, സുജാത മഹാദേവൻ, ഷീജ കെ, റീന കോട്ടനാട്, ഷാജഹാൻ എം, മുഹമ്മദ് ബഷീർ ടി എന്നിവർ ചടങ്ങിൽ സംസാരിച്ചു.

പുതിയതായി സംസ്കാര സാഹിതിയിൽ അംഗങ്ങളായ വനിതകൾക്കാണ് ഇത്തവണ ഓണക്കോടി നൽകിയത്.