ചാമ്പ്യന്‍സ് എഡ്ജ് സ്‌പോര്‍ട്ട്‌സ് അക്കാദമി: 225 കുട്ടികള്‍ക്ക് ജേഴ്‌സി വിതരണം ചെയ്തു
By ന്യൂസ് വയനാട് ബ്യൂറോ
ബത്തേരി: ബത്തേരി നഗരസഭയുടെ വാര്‍ഷിക പദ്ധതിയുടെ ഭാഗമായി നടപ്പിലാക്കി വരുന്ന ചാമ്പ്യന്‍സ് എഡ്ജ് സ്‌പോര്‍ട്ട്‌സ് അക്കാദമിയിലെ പരിശീലനം നേടുന്ന 225 കുട്ടികള്‍ക്കുള്ള ജേഴ്‌സി വിതരണോദ്ഘാടനം നഗരസഭ ചെയര്‍മാന്‍ ടി.കെ. രമേശ് നിര്‍വഹിച്ചു.വിദ്യാഭ്യാസ സ്ഥിരം സമിതി അധ്യക്ഷന്‍ ടോം ജോസ് ചടങ്ങില്‍ അധ്യക്ഷനായി.നിര്‍വ്വഹണ ഉദ്യോഗസ്ഥന്‍ പി.എ. അബ്ദുള്‍ നാസര്‍, സജി ടി.ജി, ബിനു സി, ബിനുരാജ് ആര്‍.എസ്, ഏലിയാമ്മ സി.കെ. എന്നിവര്‍ സംസാരിച്ചു.മെയ് മാസം മുതല്‍ വിവിധ കായിക ഇനങ്ങളില്‍ കുട്ടികള്‍ക്ക് പരിശീലനം നല്‍കുന്നു.
പദ്ധതിയുടെ ലക്ഷ്യം: ദീര്‍ഘവീക്ഷണത്തോടെയുള്ള ഈ പദ്ധതിയിലൂടെ മികച്ച കായികതാരങ്ങളെ വാര്‍ത്തെടുക്കുകയാണ് നഗരസഭ ലക്ഷ്യമിടുന്നത്.വിദ്യാര്‍ത്ഥികള്‍ക്ക് സ്‌പോര്‍ട്‌സ് കിറ്റ്, ജേഴ്‌സി, പോഷകാഹാരം, പരിശീലകര്‍ക്ക് ഹോണറേറിയം എന്നിവ നല്‍കുന്നതിനായി വാര്‍ഷിക പദ്ധതിയില്‍ 7,87,500 രൂപയാണ് (ഏഴ് ലക്ഷത്തി എണ്‍പത്തിയേഴായിരത്തി അഞ്ഞൂറ് രൂപ) വകയിരുത്തിയിട്ടുള്ളത്.
പരിശീലനം ലഭിക്കുന്ന കായിക ഇനങ്ങള്‍:
അത്ലറ്റിക്സ്: 100 പേര്‍
വോളിബോള്‍: 25 പേര്‍
ക്രിക്കറ്റ്: 25 പേര്‍
നെറ്റ്ബോള്‍: 25 പേര്‍
ബാഡ്മിന്റണ്‍: 25 പേര്‍
ടെന്നീസ്: 25 പേര്‍
പദ്ധതി വിഹിതം: വിദ്യാര്‍ത്ഥികള്‍ക്ക് സ്‌പോര്‍ട്‌സ് കിറ്റ്, ജേഴ്‌സി, പോഷകാഹാരം, പരിശീലകര്‍ക്ക് ഹോണറേറിയം എന്നിവ നല്‍കുന്നതിനായി വാര്‍ഷിക പദ്ധതിയില്‍ 7,87,500 രൂപയാണ് (ഏഴ് ലക്ഷത്തി എണ്‍പത്തിയേഴായിരത്തി അഞ്ഞൂറ് രൂപ) വകയിരുത്തിയിട്ടുള്ളത്.
Leave a Reply