അസംപ്ഷൻ എ യു പി സ്കൂൾ 75ാം വാർഷികാഘോഷവും പ്ലാറ്റിനം ജൂബിലി സമാപനവും 

By ന്യൂസ് വയനാട് ബ്യൂറോ

ബത്തേരി: അസംപ്ഷൻ എ യു പി സ്കൂൾ 75ാം വാർഷികാഘോഷവും പ്ലാറ്റിനം ജൂബിലി സമാപനവും നാളെ സ്കൂൾ അംഗണത്തിൽ വെച്ചു നടത്തുന്നു. ഉച്ചകഴിഞ്ഞ് രണ്ടു മണിക്കാണ് പരിപാടി ആരംഭിക്കുന്നത്.പൊതുസമ്മേളനം വൈകുന്നേരം 5 മണിക്ക് മാനന്തവാടി രൂപതാ സഹായ മെത്രാൻ മാർ അലക്സ് താരാമംഗലം ഉദ്ഘാടനം ചെയ്യും.

കോർപ്പറേറ്റ് മാനേജർ ഫാ സിജോ ഇളം കുന്നപ്പുഴ, സുൽത്താൻ ബത്തേരി മുൻസിൽപ്പൽ ചെയർപേഴ്സൺ റസീന അബ്ദുൽ ഖാദർ ,സ്കൂൾ മാനേജർ ഫാ.തോമസ് മണക്കുന്നേൽ , നൗഷാദ് മംഗലശ്ശേരി (കൗൺസിലർ), സുൽത്താൻ ബത്തേരി എ ഇ ഒ ഷിജിത ബി.ജെ, ഷോജിജോസഫ്, സ്റ്റാൻലി ജേക്കബ്, ബിനു തോമസ്, പിടി എ പ്രസിഡൻ്റ് ഷിനോജ് പാപ്പച്ചൻ, റ്റിജി ചെറുതോട്ടിൽ, പ്രജിത രവി തുടങ്ങിയവർ പങ്കെടുക്കും.

33 വർഷത്തെ ശേഷം വിരമിക്കുന്ന ബിജു വർഗീസ് ടീച്ചർക്ക് ചടങ്ങിൽ യാത്രയയപ്പ് നൽകും. 1600 ഓളം കുട്ടികൾ പങ്കെടുക്കുന്ന Celestia 2K26 കലസന്ധ്യയും അരങ്ങേറും.