പടിഞ്ഞാറത്തറ സിഡിഎസ് ഭരണം യുഡിഎഫ് നിലനിർത്തി

By ന്യൂസ് വയനാട് ബ്യൂറോ

പടിഞ്ഞാറത്തറ: സിഡിഎസ് ഭരണം യുഡിഎഫ് നിലനിർത്തി. രജിത ചെയർപേഴ്സണായും നൗഷിദ വൈസ് ചെയർപേഴ്സണായും തിരഞ്ഞെടുക്കപ്പെട്ടു. പടിഞ്ഞാറത്തറ ഗ്രാമപഞ്ചായത്തിലെ ആകെ 18 വാർഡുകളിൽ 15 വോട്ടുകൾ നേടിയാണ് രജിത ചെയർപേഴ്സൺ സ്ഥാനം നേടിയത്. എതിർ സ്ഥാനാർത്ഥിക്ക് 3 വോട്ടുകളാണ് ലഭിച്ചത്. തുടർന്ന് നടന്ന അനുമോദന യോഗം ഗ്രാമപഞ്ചായത്ത് പ്രസിഡന്റ് കെ.കെ. അസ്മ ഉദ്ഘാടനം ചെയ്തു. വൈസ് പ്രസിഡന്റ് ജോസഫ് പുല്ലുമാരിയിൽ, സ്റ്റാൻഡിങ് കമ്മിറ്റി ചെയർമാൻമാരായ ഹാരിസ് കണ്ടിയൻ, അമ്പിളി, മുൻ സിഡിഎസ് ചെയർപേഴ്സൺ ജിഷ തുടങ്ങിയവർ ചടങ്ങിൽ സംസാരിച്ചു.