ശമ്പളപരിഷ്കരണവും ക്ഷാമബത്തയും ഇടത് ഭരണത്തിൽ ഇല്ലാതാക്കി: കെ. എ. മുജീബ്

By ന്യൂസ് വയനാട് ബ്യൂറോ

കൽപ്പറ്റ: ജീവനക്കാർക്ക് സമയബന്ധിതമായി ലഭിക്കേണ്ട ശമ്പളപരിഷ്കരണവും ക്ഷാമബത്തയും സറണ്ടറും ഇടത് ഭരണത്തിൽ ഇല്ലാതാക്കിയെന്ന് കേരള എൻ. ജി. ഒ. അസോസിയേഷൻ സംസ്ഥാന സെക്രട്ടറി കെ. എ. മുജീബ് ആരോപിച്ചു. അസോസിയേഷൻ കൽപ്പറ്റ ബ്രാഞ്ച് പ്രവർത്തക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വികലമായ മെഡിസെപ്പും ചരിത്രത്തിൽ ആദ്യമായി ക്ഷാമബത്ത (DA) കുടിശികയാക്കിയ ഉത്തരവുകളും സർക്കാരിന്റെ ജീവനക്കാരോടുള്ള സമീപനമാണ് തുറന്നുകാട്ടുന്നത്. എന്നാൽ കടുത്ത സാമ്പത്തിക പ്രയാസങ്ങൾക്കിടയിലും ഉത്സവബത്ത, ബോണസ്, അഡ്വാൻസ് എന്നിവ ഓണത്തിന് മുന്നോടിയായി നൽകിയത് ഈ സർക്കാരിന്റെ ജീവനക്കാരോടുള്ള പ്രതിബദ്ധതയുടെ തെളിവാണെന്നും അദ്ദേഹം കൂട്ടിച്ചേർത്തു.

ബ്രാഞ്ച് പ്രസിഡന്റ് ബെൻസി ജേക്കബ് അധ്യക്ഷത വഹിച്ച യോഗത്തിൽ ജില്ലാ പ്രസിഡന്റ് കെ. ടി. ഷാജി, ജില്ലാ സെക്രട്ടറി പി. ജെ. ഷൈജു, പി. ടി. സന്തോഷ്‌, അബ്ദുൽ ഗഫൂർ പി., സി. കെ. ജിതേഷ്, രതീഷ് കുമാർ കെ. ആർ., എം. ജി. അനിൽ, ഇ. എം. നാരായണൻ, കെ. പുഷ്പവല്ലി, വിപിൻ രാജ് വി. എൽ., ജെയിംസ് കുര്യൻ, വേണു കെ. ജി., രമേശ്‌ കെ., ശ്രീജിത്ത് എസ്. ആർ., സാബു അബ്രഹാം, സുധീഷ് എം. എസ്., മനേഷ് കെ. വി. എന്നിവർ സംസാരിച്ചു.