വാഹനങ്ങള് വിലക്ക് വാങ്ങി മുഴുവന് തുകയും നല്കാതെ വഞ്ചന; നായ്ക്കട്ടി സ്വദേശിനിയുടെ പരാതിയില് യുവാവ് അറസ്റ്റില്
ബത്തേരി: വാഹനങ്ങള് വിലക്ക് വാങ്ങി മുഴുവന് തുകയും നല്കാതെ വഞ്ചിച്ചയാള് പിടിയില്. നായ്ക്കട്ടി സ്വദേശിനിയുടെ പരാതിയില് ബത്തേരി, മണിച്ചിറ, പുത്തന്പീടികയില് വീട്ടില് ഹിജാസുദ്ദീനെ(31)യാണ് ബത്തേരി പോലീസ് അറസ്റ്റ് ചെയ്തത്. ചെറിയ തുക അഡ്വാന്സ് നല്കി വാഹനം കൈക്കലാക്കിയ ശേഷം ബാക്കി പണം നല്കാതെ വഞ്ചിക്കുന്നതാണ് ഇയാളുടെ രീതി. മുലങ്കാവ്, മൈതാനിക്കുന്ന്, എറണാംകുളം സ്വദേശികളുടെ കാറുകളും ഇതുപോലെ വിലക്ക് വാങ്ങി ബാക്കി പണം നല്കാതെ ചതിച്ചിട്ടുണ്ടെന്ന് ഇയാള് കുറ്റസമ്മതം നടത്തിയിട്ടുണ്ട്.
2023 ഡിസംബറിലാണ് നായ്ക്കട്ടി സ്വദേശിനിയുടെ 3,15,000 രൂപ വില വരുന്ന കാര് 15000 രൂപ മാത്രം നല്കി ഹിജാസുദ്ദീന് കൈക്കലാക്കുന്നത്. ബാക്കി മൂന്ന് ലക്ഷം രൂപയുടെ കാറിന്റെ ലോണ് മൂന്ന് മാസത്തിനുള്ളില് അടച്ചോളാമെന്ന് വിശ്വസിപ്പിച്ചായിരുന്നു കാര് വാങ്ങിയത്. ഒരടവ് മാത്രം അടച്ച ശേഷം ബാക്കി തുട അടക്കാതെ കാര് കോഴിക്കോട്, മുക്കം എന്ന സ്ഥലത്ത് വില്പ്പന നടത്തുകയും ചെയ്തു. ഒക്ടോബര് മൂന്നിന് ലഭിച്ച പരാതിയുടെ അടിസ്ഥാനത്തിലാണ് നടപടി. എസ്.ഐമാരായിരുന്ന ഒ.കെ. രാംദാസ്, പി.എന്. മുരളീധരന് എന്നിവര്ക്കായിരുന്നു അന്വേഷണ ചുമതല.
Leave a Reply