Newswayanad.in

By ന്യൂസ് വയനാട് ബ്യൂറോ

ന്യൂഡൽഹി : പൊതുപ്രവർത്തകനും

വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാനുമായ ജുനൈദ് കൈപ്പാണിയെ തേടി ബെസ്റ്റ് ഓഫ് ഇന്ത്യ റെക്കോർഡ്.

കഴിഞ്ഞ നാല് വർഷത്തിനി ടയിൽ ഏറ്റവും കൂടുതൽ പൊതുപരിപാടികളിൽ പങ്കെടുത്ത് ഡോക്യുമെന്റ് ചെയ്യപ്പെട്ട തദ്ദേശഭരണ ജനപ്രതിനിധി എന്ന നിലയിലാണ് ജുനൈദ് കൈപ്പാണിയ്ക്ക് ബെസ്റ്റ് ഓഫ് ഇന്ത്യ റെക്കോർഡ് ലഭിച്ചത്.

കർമ്മബാഹുല്യത്തിനും ഭരണപരമായ

തിരക്കുകൾക്കുമിടയിലും

സമയം ക്രമീകരിച്ച്‌ പൊതുവായതും ഔദ്യോഗികവും അനൗദ്യോഗികവുമായ ആയിരകണക്കിന് ക്ഷണിക്കപ്പെട്ട ചടങ്ങുകളിൽ പങ്കെടുത്ത് സാന്നിധ്യം അറിയിച്ചു.

പൊതുപ്രവർത്തനരംഗത്തും ജീവകാരുണ്യമേഖലയിലും

പരമ്പരാഗത മാധ്യമങ്ങളേയും സമൂഹമാധ്യമങ്ങളേയും കൃത്യവും ഫലപ്രദവുമായി ഉപയോഗിച്ച് ജനപ്രതിനിധിയെന്ന നിലയിൽ പൊതുസമൂഹവുമായി സംവദിക്കാൻ സമയംകണ്ടെത്തുന്ന ജുനൈദ് കൈപ്പാണി നിരവധിയായ പുസ്തകങ്ങൾ കൂടി ഈ കാലയളവിനുള്ളിൽ എഴുതിയിട്ടുണ്ട്.